ដល់ថ្នាក់ហ្នឹង? តារារ៉េប Lee Young Ji ធ្វើកម្មវិធីមិនតុបតែងខ្លួន ព្រោះខ្ចិល

កម្សាន្ត ÷ Lee Young Ji គឺជាអ្នករ៉េប ដ៏មានទេពកោសល្យ ហើយក៏​ជា​តារា​ចម្រៀង​ល្បី​មួយ​រូប នាង​ក៏​បាន​បង្ហាញ​ខ្លួន​ក្នុងកម្មវិធីផ្សេងៗ ក៏ដូចជាទស្សនាវដ្តីជាច្រើន ជាមួយនឹងការលេងខ្លួនយ៉ាងអស្ចារ្យ ធ្វើឲ្យហ្វេនស្រឡាំងកាំងជាច្រើនលើក។

ប៉ុន្តែ តារាស្រីរូបនេះបែជាមើលទៅខុសគ្នាទាំងស្រុង នៅលើកម្មវិធី YouTube របស់នាង «차린건 쥐뿔도 없지만 ( No Prepare )» ដែលទោះបីជានាងសម្ភាសតារាកូរ៉េ ល្បីយ៉ាងណាក៏ដោយ ក៏នាងនៅតែបង្ហាញមុខទទេគ្មាន make up និងស្លៀកពាក់នៅផ្ទះធម្មតា ក្នុងផ្ទះល្វែងរបស់នាង។

ហើយសូម្បីតែនៅក្នុងបទសម្ភាសន៍ថ្មីៗនេះ សម្រាប់ BuzzFeed នៅសហរដ្ឋអាមេរិក ក៏ Lee Young Ji បានបង្ហាញខ្លួនដោយមុខគ្មានការតុបតែងមុខ ដូច្នេះហើយទើបអ្នកគាំទ្រមានការចង់ដឹងចង់ឃើញ ពីមូលហេតុដែលនាងសម្រេចមិនតុបតែងខ្លួនបែបនេះ។

ខណ:ដែលថ្មីៗនេះ Lee Young Ji បានធ្វើការ Q&A តាមរយៈ Instagram Stories ក៏មានអ្នកគាំទ្រម្នាក់បានសួរថាអំពីសំណួរនេះ ហើយតារាស្រីរូបក៏បានឆ្លើយថា ព្រះនាងមិនសូវខ្វល់ពីការតុបតែងខ្លួន និងណាមួយវាពិបាក ក៏ដូចជាចង់ឲ្យភ្ញៀវដែលចូលរួមកម្មវិធីរបស់នាងមាន ផាសុកភាព៕

ប្រភព: Koreaboo