IU សារភាពថា ធ្លាប់បានថើប Crush របស់នាងឡើងភ័យផងអរផង (មានវីដេអូ)

កម្សាន្ត៖ តារាចម្រៀងទោលសម្លេងពិរោះ IU នាងជាតារាស្រីកូរ៉េម្នាក់ដែលទទួលបានការគោរពស្រលាញ់ពីមហាជននិងមិត្តរួមសិល្បៈផងដែរ។ តារាស្រីតូចច្រលឹងនេះ មានឈ្មោះពិតថា Lee Ji Eun កើតនៅឆ្នាំ ១៩៩៣ សព្វថ្ងៃនាងមានអាយុ ២៨ឆ្នាំហើយក្ដី ប៉ុន្ដែសម្រស់ក្មេងវ័យដូចទើបនឹងពេញក្រមុំ។

ថ្វីត្បិតតែនាងមានទាំងសម្រស់មានទាំងទេពកោសល្យពេញខ្លួន ប៉ុន្តែ IU ក៏មានបេះដូងចេះលង់ស្នេហ៍ដូចមនុស្សទូទៅដែរ នាងបានលួចពេញចិត្តទៅលើតារាប្រុសម្នាក់ ដែលជាសមាជិកក្រុមចម្រៀង BigBang ។ IU ធ្លាប់បានសារភាពក្នុងកម្មវិធីទូរទស្សន៍មួយថា នាងពេញចិត្ត Taeyang និងគោរពលោកជាខ្លាំង។

លើសពីនោះ នៅក្នុងកម្មវិធីបានតម្រូវឲ្យ IU និយាយទូរស័ព្ទផ្ទាល់ជាមួយ Taeyang ហើយសារភាពចំៗថា​ នាងស្រលាញ់គាំទ្រលោកជានិច្ចទៀតផង។ អ្វីដែលភ្ញាក់នោះគ្រាន់តែបិទទូរស័ព្ទភ្លាម Taeyang ក៏ស្រាប់តែដើរចេញមករកនាងតែម្ដង ធ្វើឲ្យ IU អៀនរត់ពួនឡើងញ័រខ្លួន។ 

បន្ទាប់មកនៅក្នុងវីដេអូក៏បានបង្ហាញពីពេលដែល IU ឡើងសម្ដែងលើឆាកជាមួយ Taeyang ហើយនាងបានថើបថ្ពល់លោក រួចក៏នាងរត់មករំភើបហក់លោតនៅខាងក្រោយឆាក។ មិនតែប៉ុណ្ណោះ នៅពេលដែលនាងបានឈរជិត Taeyang ម្ដងៗ នាងតែងតែបញ្ចេញអាការៈភ័យអរៗរៀបឬកមិនត្រូវ៕ 

សូមទស្សនាវីដេអូខាងក្រោម៖ 

ប្រភព៖ K-Pop World