ក្រុម Woo! Ah! នឹងរៀបចំព្រឹត្តិការណ៍ចុះហត្ថលេខាជូនដល់អ្នកគាំទ្ររបស់ខ្លួនដោយផ្ទាល់ និងជាលើកដំបូងផងដែរ
កូរ៉េខាងត្បូង៖ នៅថ្ងៃទី ១០ ខែមិថុនា NV Entertainment បានប្រកាសថាខ្លួននឹងរៀបចំព្រឹត្តិការណ៍ចុះហត្ថលេខាជូនដល់អ្នកគាំទ្ររបស់ខ្លួន ហើយព្រឹត្តិការណ៍នេះនឹងត្រូវធ្វើឡើងនៅថ្ងៃទី ១២ ខែមិថុនា នាវេលាម៉ោង ៧ ល្ងាច (ម៉ោងនៅកូរ៉េខាងត្បូង) ។ កម្មវិធីនេះនឹងធ្វើឡើងក្នុងសាល Spigen ដែលមានទីតាំងស្ថិតនៅ Samseong-Dong នៃ Gangnam-gu របស់ទីក្រុងសេអ៊ូល។ ព្រឹត្តិការណ៍នៃអ្នកគាំទ្រនេះ គឺជាការអបអរសាទរចំពោះអាល់ប៊ុមទី ៣ ដែលមានចំណងជើងថា WISH របស់ពួកគេ។ ហើយចំពោះអ្នកដែលបានដាក់ពាក្យចូលរួមព្រឹត្តិការណ៍នេះជាបុគ្គលដែលបានជ្រើសរើសរួចជាស្រេចចំនួន ៤០ នាក់ សម្រាប់ចូលរួមក្នុងព្រឹត្តិការណ៍ចុះហត្ថលេខារបស់អ្នកគាំទ្រមួយនេះ។
គួរបញ្ជាក់ផងដែរថា កាលពីខែ ឧសភា ឆ្នាំ២០២០ ពួកគេក៏មានគម្រោងរៀបចំព្រឹត្តិការណ៍មួយនេះដែរ ប៉ុន្តែមិនមានឱកាសរៀបចំព្រឹត្តិការណ៍ចុះហត្ថលេខាជូនដល់អ្នកគាំទ្រនោះឡើយ ដោយសារតែផលប៉ះពាល់នៃរីករាត្បាតដោយជំងឺ covid-19 ។ អ្នកតំណាងរបស់ NV Entertainment បានថ្លែងថា “សមាជិកពិតជារំភើបខ្លាំងណាស់ដែលបានរៀបចំពិធីចុះហត្ថលេខាជូនដល់អ្នកគាំទ្រ ព្រមទាំងបានជួបអ្នកគាំទ្ររបស់ពួកគេដោយផ្ទាល់ទៀតផង”៕
