បងប្អូនភ្លោះ Jisoo? បេក្ខនារីម្នាក់នេះ កំពុងល្បីខ្លាំងព្រោះស្រដៀងនឹង Jisoo
កម្សាន្ត ៖ បេក្ខនារីម្នាក់ ដែលមានមុខមាត់ដូចJisoo កំពុងចូលរួមកម្មវិធីណាត់ជួបកូរ៉េមួយដែលមានចំណងជើងថា «I Am Solo» គឺជាកម្មវិធីមួយ ដែលប្រមូលផ្តុំមនុស្សប្រុសស្រីចំនួន ៦ នាក់ដែលនៅលីវគោលបំណងនៃកម្មវិធីនេះគឺ ដើម្បីប្រមូលផ្តុំមនុស្សដែលកំពុងស្វែងរកអាពាហ៍ពិពាហ៍និងអ្នកដែលតស៊ូចង់មានស្នេហា។
ហើយកម្មវិធីនេះ ក៏តម្រូវឲ្យបេក្ខនារីចូលរួមនៅក្នុងកម្មវិធីនេះមកជាមួយនឹងឈ្មោះក្លែងក្លាយ ជាជាងឈ្មោះពិតរបស់ពួកគេយ៉ាងណាភ្លាមៗនៅពេលដែល ទស្សនិកជនបានឃើញបេក្ខនារីទី៦ ប្រចាំរដូវកាលថ្មី អ្នកនិយមលេងអ៊ីនធើណែតមានការភ្ញាក់ផ្អើលជាខ្លាំងពេលឃើញនាងមើលទៅដូចជា Jisoo សមាជិកក្រុមBLACKPINK យ៉ាងខ្លាំង។
ទន្ទឹមនឹងនេះ បេក្ខនារីដែលមានឈ្មោះក្លែងក្លាយ ក្នុងកម្មវិធីនោះគឺ Ok Soon ហើយនាងត្រូវបានគេណែនាំថាជានារីម្នាក់ដែលមានរូបសម្រស់គួរឱ្យស្រលាញ់ និងជា Ms. Bulldozer រដូវកាលទី ៦ ព្រមគ្នាជាមួយនឹងអ្នកនិយមលេងអ៊ីនធើណែត ក៏បានសរសើរពីភាពស្រស់ស្អាតរបស់នាងដែលស្រដៀងនឹង Jisoo ផងដែរ ជាពិសេសគឺស្នាមញញឹមរបស់នាង៕
សូមទស្សនារូបភាពខាងក្រោម៖
ប្រភព : Koreaboo