Miss Grand ឆ្នាំមុន បង្ហើបថា មិនបានរកចំណូលរាប់លាន ដូច Nawat ធ្លាប់ប្រាប់

November 3, 2022

វៀតណាម៖ ថ្មីៗនេះ យោងតាមសារព័ត៌មានក្នុងស្រុក បានរាយការណ៍ឲ្យដឹងថា ខាងអគ្គនាយកក្រុមហ៊ុន Golden Lotus ដែលប្រធានបវរកញ្ញាMiss Grand វៀតណាម បានបដិសេធព័ត៌មានដែលថា Miss Grand International ២០២១ នាង Nguyen Thuc Thuy Tien បានរកចំណូលរហូត ដល់ទៅ ៧០ ពាន់លានដុង (ប្រហែល ២,៨ លានដុល្លារ) អំឡុងពេលកាន់តំណែង។

ក្នុងនោះដែរ អគ្គនាយកក្រុមហ៊ុននេះ បាននិយាយថា ចំនួនខាងលើនេះ គឺគ្រាន់តែជាការលេងសើចរបស់លោក Nawat Itsaragrisil ដែលជាប្រធាន Miss Grand International (MGI) តែប៉ុណ្ណោះ។ បើទោះបីជាយ៉ាងណា នៅក្នុងនោះ ក៏មិនបានប្រកាសពីតួលេខជាក់លាក់ អំពីប្រាក់ចំណូលរបស់នាង Thuy Tien កាលពីពេលកន្លងមក នោះទេ។

ជាពិសេស ក្រុមហ៊ុនមួយនេះ ថែមទាំងបានលើកឡើងថា៖

ក្រុមហ៊ុនរបស់យើងកាន់កិច្ចសន្យាពាណិជ្ជកម្មរបស់ Thuy Tien នៅវៀតណាម។ ខ្ញុំដឹងថា តម្លៃកិច្ចសន្យាគឺប៉ុន្មាន។ ហើយអ្វីដែលលោក Nawat បានចែករំលែកជាមួយប្រាក់ចំណូលរបស់ Tien ចំនួន ៧០ ពាន់លានដុង ក៏ជារឿងកាលពីប៉ុន្មានខែមុនដែរ ដែលវាអាចជារូបភាពមួយ ក្នុងការរួមចំណែករបស់ Tien ដែលបានបង្កើតគុណតម្លៃណាមួយ នៅក្នុងផ្នែកផ្សេងទៀតនៃ Miss Grand International។
— អគ្គនាយកក្រុមហ៊ុន

គួររំឮកផងដែរថា កាលពីមុននោះ លោក Nawat Itsaragrisil បានលាតត្រដាងថា នាង Thuy Tien រកចំណូលបានយ៉ាងហោចណាស់ ៧០ ពាន់លានដុង ក្នុងអំឡុងពេលកាន់តំណែង ដែលប្រាក់ចំណូលរបស់នាង គឺបានមកពីការចូលរួមក្នុងព្រឹត្តិការណ៍នានា ធ្វើការជាអ្នកតំណាងសម្រាប់ម៉ាកយីហោល្បីៗក្នុងស្រុក និងអន្តរជាតិជាច្រើន៕

ប្រភព៖ Zingnews

សូមទស្សនារូបភាពខាងក្រោម៖

អានបន្ថែម