Kwan បញ្ចប់កុងត្រាជាមួយប៉ុស្ដិ៍ទូរទស្សន៍ មកធ្វើតារាឯករាជ្យ

March 23, 2021

ថៃ៖ មហាជនប្រាកដជាបានស្គាល់ Kwan Usamanee ដែលជាតារាជើងចាស់ដ៏ស្រស់ស្អាត និងមានទេពកោសល្យម្នាក់។ ដោយនាងបានទទួលសម្ដែងជាច្រើនរឿង និងជាប់កុងត្រាជាមួយមួយប៉ុស្តិ៍ទូរទស្សន៍ PPTV ប៉ុន្តែពេលនេះនាងបានបញ្ចប់កុងត្រានោះហើយ។

បើយោងតាមការធ្វើបទសម្ភាសន៍របស់សារព័ត៌មានក្នុងស្រុកថៃមួយ ដែលមានឈ្មោះថា Khaosod Online បានឱ្យដឹងថាពេល នេះកញ្ញាអាចមានសេរីភាពក្នុងការសម្ដែង និងអាចបើកចិត្តទទួលយករាល់ការអញ្ជើញឱ្យចូលរួមគ្រប់កម្មវិធី និងគ្រប់ប៉ុស្តិ៍បានហើយ។

ដោយក្នុងនោះនាងបានលើកឡើងថា៖

នេះជាលើកដំបូងរបស់ខ្ញុំដែលបានទទួលនូវអារម្មណ៍មួយដែលយល់ថាមានសេរីភាពបន្ទាប់ពីបានបញ្ចប់កុងត្រាជាមួយនិង ប៉ុស្តិ៍ទូរទស្សន៍PPTV ដូច្នេះខ្ញុំអាចមានសិទ្ធនិងសេរីភាពទទួលសម្ដែង និងចូលរួមក្នុងប៉ុស្តិ៍ណាក៏បាន ហើយម្យ៉ាងទៀតវាបានធ្វើឱ្យខ្ញុំមាន អារម្មណ៍មួយប្លែកនិងសប្បាយចិត្តជាងមុន។ ហើយទៅមុខទៀត ខ្ញុំមិនព្រមទទួលយកការចុះកុងត្រាទៀតនោះទេ ព្រោះខ្ញុំជាមនុស្សចង់មានសេរីភាពនិង ជាមនុស្សដែលចង់ទទួលយកអ្វីដែលថ្មីៗ និងអភិវឌ្ឍខ្លួនឯង ហើយចេះបោះបង់អ្វីដែលចាស់ៗខ្លះទើបរីកចម្រើន និងធ្វើឱ្យយើងសប្បាយចិត្ត ព្រោះមនុស្សម្នាក់ៗរស់នៅជាមួយគោលដៅរៀងខ្លួន។ ហើយចុងក្រោយ ខ្ញុំក៏សូមអរគុណដល់អ្នកគ្រប់គ្រងប៉ុស្តិ៍ទូរទស្សន៍PPTV និងបងៗដែលបានមើលការខុសត្រូវ និងគោរពស្រឡាញ់ខ្ញុំកន្លងមកនេះ៕
— Kwan

ទាក់ទងជាមួយ:

តារាថៃ

អានបន្ថែម