អ្នកណាគិតយ៉ាងម៉េចមិនសំខាន់ សង្សារ Tangmo ចាត់ទុកនាងជារង្វាន់ទីមួយក្នុងជីវិត

February 28, 2022

ថៃ៖ ជាការពិតណាស់ លោក Bird ដែលជាសង្សារបស់ Tangmo កំពុងតែទទួលបានការចាប់អារម្មណ៍ជាខ្លាំងពីមហាជន។ អ្វីដែលគួរឲ្យចាប់អារម្មណ៍នោះគឺ លោកធ្លាប់និយាយថា ការដែលបានស្រឡាញ់ នៅក្បែរមើលថែ Tangmo ប្រៀបដូចត្រូវបាន រង្វាន់ទី១។

តាមប្រភពបានឲ្យដឹងថា បុរសម្នាក់នេះ ចាត់ទុក Tangmo ជាមនុស្សដ៏ពិសេសរបស់ខ្លួនជាងគេក្នុងលោក ដូចដែលយើងធ្លាប់បានដឹងហើយថា Bird តាមស្រលាញ់នាងអស់រយៈពេល៨ឆ្នាំ។ ចំណែកឯ សម្ដីដែលលោកនិយាយថា តារាស្រីរូបនេះ ជារង្វាន់ទី១នោះគឺ៖

ខ្ញុំចាំបានថា កាលពី៩ឆ្នាំមុន ខ្ញុំធ្លាប់់បត់ក្រដាសជូតមាត់ជាផ្កាកុលាប ហើយនាងក៏បត់ឲ្យខ្ញុំវិញដូចគ្នា ហើយចាំបានថា មានថ្ងៃមួយនោះ ខ្ញុំអង្គុយញុំាអាហារ ស្រាប់តែនឹកឃើញម៉ូ ក៏លួចរកមើល Line របស់នាង សុខៗវាលោតឡើងមក ខ្ញុំក៏បានឆ្លើយតបត្រឡប់ទៅវិញ។
— Bird

គ្រាន់តែសម្ដីប៉ុននេះ បានធ្វើឲ្យយើងដឹងថា គូស្នេហ៍របស់ Tangmo ចាត់ទុកនាងថាជាមនុស្សពិសេសកម្រិតណាទៅហើយ។ មិនតែប៉ុណ្ណោះទេ លោក Bird ក៏បានបន្ដរៀបរាប់អំពីតារាស្រីនេះទៀតថា៖

ក្រោយមកក្នុងកំឡុងពេលនាងមានបញ្ហាជួបការ bully អំពីមុខរបស់នាង ប៉ារបស់នាងក៏ឈឺធ្ងន់ ធ្វើអោយនាង មិនបានមើលថែខ្លួន មិនហូបចុក មិនចេញទៅណាច្រើនខែ។ ខ្ញុំបានទិញទឹកសណ្ដែក មកផ្ញើរដោយព្យួរមុខផ្ទះ ច្រើនខែគួរសម។ សួរថា ខ្ញុំកំពុងញ៉ែនាងមែនទេ ខ្ញុំមិនហ៊ាន តាមស្រឡាញ់នាងនោះទេ ប្រាប់ត្រង់ៗចុះ គឺចង់ក្លាយជាមិត្ត ព្រោះខ្ញុំបារម្ភពីនាង មិនប្រាថ្នាអ្វីពីនាងនោះទេ គ្រាន់តែចង់ឃើញនាងល្អប្រសើរជាងមុន។ ឥឡូវយើងបានស្រឡាញ់គ្នា ដូចខ្ញុំបានត្រូវឆ្នោតរង្វាន់ទី១ អញ្ចឹង។
— Bird

នៅពីក្រោយរឿងតូចតាច ធម្មតាៗ នៅពីក្រោយការតែងខ្លួនធម្មតាៗ នៅពីក្រោយបុរសដែលមានមុខមាត់ធម្មតាៗ វាអាចមានរឿងធម្មតាៗតែសែនពិសេស សម្រាប់មនុស្សខ្លះ៕

ប្រភព៖ Admin Cloud

ទាក់ទងជាមួយ:

តារាថៃ រូបភាព

អានបន្ថែម