សម្តែងរឿងថ្មី តារាស្រីស្រស់សោភា Lee Yu Ri ប្តូរទាំងស្រុងទៅជា Tomboy សាច់ដុំ មើលមិនស្គាល់

កម្សាន្ត ÷ តារាសម្ដែង Lee Yu Ri តែងតែធ្វើឱ្យអ្នកគាំទ្រចាប់អារម្មណ៍ ជាមួយនឹងជំនាញសម្ដែងរបស់នាង ដែលតារាស្រីរូបនេះ បានសម្ដែងក្នុងរឿង K-Dramas ល្បីៗជាច្រើនរួមទាំងក្នុងរឿង ចាង បូរី ផងដែរ ។

ហើយថ្មីៗនេះ នាងបានត្រលប់មកវិញជាមួយ K-Drama « The Witch Is Alive » នាងដើរតួជាស្ត្រីមេផ្ទះ Gong Ma Ri ដើម្បីប្រែក្លាយខ្លួនទៅជាតួអង្គរបស់នាងទាំងស្រុង តារាស្រីរូបនេះបានលះបង់ខ្លួនប្រាណ ក្នុងការហាត់ប្រាណ បង្កើនម៉ាសសាច់ដុំ និងកាត់សក់ខ្លី ហើយជាលទ្ធផល គឺផ្លាស់ប្ដូរ ១៨០ដឺក្រេតែម្តង។

ដែលក្នុងនោះ នាងបានបង្ហាញសាច់ដុំថ្មី ដោយមោទនភាពក្នុងអាវក្រៅគ្មានដៃ អំឡុងពេលសន្និសីទសារព័ត៌មានសម្រាប់រឿងភាគនេះ បើប្រៀបធៀបនាងមុន និងក្រោយ ភាពខុសគ្នាគឺពិតជាអស្ចារ្យណាស់ ព្រោះកន្លង​មក​រូបភាព​របស់ Lee Yu Ri គឺ​ជា​នារី​ទន់ភ្លន់ ស្រស់​ស្អាត​ម្នាក់។

គួររំលឹកផងដែរថា រឿង «The Witch Is Alive» គឺនិយាយអំពីស្ត្រីមួយក្រុម ដែលបានប្រឈមមុខនឹងការក្បត់ពីបុរស ក្នុងជីវិតរបស់ពួកគេ ហើយ Lee Yu Ri ដែលដើរតួជា Gong Ma Ri ជាស្ត្រីមេផ្ទះ ដែលដឹងថាប្តីរបស់នាងកំពុងមានស្នេហាថ្មី នាងក៏បានស្វែងរកវិធីដើម្បីបញ្ចប់អាពាហ៍ពិពាហ៍របស់នាង តាមរបៀបដែលផ្តល់ផលប្រយោជន៍ល្អបំផុតដល់ខ្លួននាង៕

ប្រភព: Koreaboo