កម្សាន្ត៖ ថ្មីៗនេះ តារាសម្ដែងដ៏ល្បីល្បាញ២រូប ខុសជំនាន់គ្នា Song kang និង Park Minyoung បានចាប់ដៃគូសម្ដែងនៅក្នុងរឿងភាគថ្មី Forecasting Love and Weather ដែលទើបនឹងចាក់់បញ្ចាំង។ ជាពិសេស តារាទាំង២នេះ ហាក់ដូចជាគូស្នេហ៍អញ្ចឹងនៅពេលឈរជិតគ្នាបែបនេះ។
ម៉្យាងទៀត បើទោះបីជាតារាប្រុសមុខស្រស់ Song Kang មានអាយុ ២៧ឆ្នាំ ក្មេងជាងតារាស្រីជើងចាស់ Park Minyoung ដល់ទៅ ៨ឆ្នាំ ដោយនាងមានអាយុ៣៥ឆ្នាំហើយក៏ដោយ ប៉ុន្ដែតាមរយៈរូបភាពដែលបង្ហោះនៅក្នុងបណ្ដាញសង្គមប៉ុន្មានសន្លឹកនេះ បញ្ជាក់ថា អ្នកទាំងពីរសមជាដៃគូសម្ដែងពិតមែន។
នៅក្នុងនោះ មហាជនបានសរសើរទៅកាន់ សម្រស់ដ៏ក្មេង ស្រស់ស្អាត របស់តារាទាំងពីរនេះ ពិសេសគឺ Park Minyoung ដែលនាងនៅតែក្មេងខ្ចីអាចសម្ដែងសមជាមួយសិស្សប្អូនបានយ៉ាងល្អ។ គួរបញ្ជាក់ផងដែរថា រឿងភាគថ្មីរបស់ពួកគេទើបនឹងចាប់ផ្ដើមចាក់បញ្ចាំង ប៉ុន្ដែទទួលបានការគាំទ្រយ៉ាងខ្លាំងពីទស្សនិកជន៕
ប្រភព៖ KStarLive