ជិតមានដំណឹងល្អហើយ? Patricia ឡើងផ្អែមល្ហែមជាមួយអនាគតស្វាមី

ថៃ៖ គឺជាគូស្នេហ៍មួយគូទៀតហើយ រវាងតារាសម្ដែងស្រីវ័យក្មេង Patricia និង លោក Note Vises ដែលកំពុងតែមានពន្លឺឃើញកោះត្រើយ បន្ទាប់ពីត្រូវបានខាងប្រុស សុំរៀបការយ៉ាងផ្អែមល្ហែម កាលពីកន្លងទៅនេះ។

ជាក់ស្ដែង ថ្មីៗ​នេះវិញ គូស្នេហ៍អ្នកទាំងពីរ ក៏បាន​លាតត្រដាង​ពីជ្រុង​នៃស្នេហា បង្ហាញជូនដល់អ្នកគាំទ្រជាច្រើន ​ដោយបានឆ្លៀតឱកាសទៅកម្សាន្ត ឲ្យចំណីត្រីជាមួយគ្នាយ៉ាងរីករាយ បញ្ជាក់ពីទំនាក់ទំនងយ៉ាងល្អ ដែលធ្វើឲ្យអ្នកទស្សនាកាន់តែរំភើបជំនួស។

ជាពិសេស បន្ទាប់ពីមានវីដេអូឃ្លីបបង្ហាញឡើងហើយនោះ គូស្នេហ៍មួយគូនេះ ក៏ទទួលបានពីការចុចបេះដូងពេញចិត្តជាច្រើន និងសរសើរពីភាពល្អូកល្អើនរបស់ពួកគេ ក៏ដូចជាទន្ទឹងរង់ចាំពីដំណឹងល្អរបស់ពួកគេឆាប់ៗនេះ៕ 

ប្រភព៖ Sanook

សូមទស្សនារូបភាពខាងក្រោម៖