ភ្លេចខ្លួន បទមួយនេះក្លាយជា MVទី៤របស់ BLACKPINK មានអ្នកចុចទស្សនា១ពាន់លានដង (មានវីដេអូ)

កូរ៉េខាងត្បូង៖ ដូចជាការរំពឹង ក្រុមចម្រៀងនារីសកល BLACKPINK បានបង្កើតកំណត់ត្រាថ្មីរបស់ខ្លួនម្តងទៀត ដែលត្រូវបានឲ្យដឹងថា វីដេអូចម្រៀងបទ «AS IF IT'S YOUR LAST» មានអ្នកចុចទស្សនារហូតដល់ ១ពាន់លានដងហើយ។

ដោយឡែក វីដេអូចម្រៀងមួយនេះបានឈានដល់ ១ពាន់លានដង ពោលគឺថាមានរយៈពេល ៣ឆ្នាំ ១០ខែ ១ថ្ងៃ បន្ទាប់ពីការចេញផ្សាយកាលពីថ្ងៃទី ២២ ខែមិថុនា ឆ្នាំ ២០១៧ នេះបើយោងតាមឆានែលជាផ្លូវការរបស់ក្រុមចម្រៀងនារីមួយនេះ នៅលើបណ្តាញសង្គមយូធូប ។

យ៉ាងណាមិញ វាជា MV ទី៤ហើយ របស់ក្រុមចម្រៀងនារីតែមួយគត់របស់ផលិតកម្ម YG Entertainment ដែលបានសមទ្ធផល ដ៏អស្ចារ្យមួយនេះ បន្ទាប់ពីបទ «Boombayah» បទ«Kill This Love» និងបទ «DDU-DU DDU-DU» ជាមួយតួលេខអ្នកទស្សនាច្រើនបែបនេះ៕

សូមទស្សនាវីដេអូខាងក្រោម៖