ត្រូវគេរិះគន់ មិនសមជាប់លំដាប់រង Engfa ស្រាប់តែដា.ក់.ខ្លាំងៗបែបនេះថា...

October 28, 2022

ថៃ៖ ចំពោះការប្រកួតសម្រស់ក្នុងកម្មវិធី Miss Grand International ២០២២ ដែលបានបញ្ចប់ជាផ្លូវការទៅហើយ នៅតែមតិមួយចំនួន បានបង្ហាញពីការមិនពេញចិត្តទៅលើលទ្ធផល ជាពិសេស នៅពេលដែលលោក Nawat ដែលជាស្ថាបនិកកម្មវិធី បានចែករំលែកពីមូលហេតុដែលបវរកញ្ញាវៀតណាម មិនបានចូលទៅក្នុងលំដាប់កំពូលទាំង១០រូប (Top10)។

លោក Nawat បានលើកឡើងពីការបរាជ័យរបស់ Thien An ដែលជាបវរកញ្ញាវៀតណាម នៅក្នុងបទសម្ភាសន៍ ដែលបានធ្វើឱ្យអ្នកគាំទ្រវៀតណាម មានការខឹងសម្បារ ហើយបានប្រៀបធៀបជាមួយនឹង បវរកញ្ញាតំណាងប្រទេសថៃ នាង Engfa Waraha ដែលបានជាប់លំដាប់រងទី១ ក្នុងកម្មវិធីប្រកួត ខណៈដែលនាង Thien An បានឆ្លើយដោយទំនុកចិត្ត និងស្ទាត់ជំនាញក្នុងការនិយាយភាសាអង់គ្លេស តែបវរកញ្ញាថៃបានត្រឹមសើច ដោយសារតែភាសាបរទេស នៅមានកម្រិត។

មិនត្រឹមតែប៉ុណ្ណោះ Engfa ត្រូវបានគេចាត់ទុកថា មិនសក្តិសមក្នុងការទទួលបានជ័យលាភីលំដាប់រងទី១ ដោយសារតែ នាងមានកម្ពស់ទាប ឆ្លងកាត់ការកែសម្ផស្ស និងមានជំនាញភាសាអង់គ្លេសមិនសូវល្អ។ តែទោះជាយ៉ាងណា បន្ទាប់ពីនេះ Engfa ក៏បានលើកឡើងថា នាងមិនសោកស្ដាយទេ ព្រោះអ្នកគាំទ្រវៀតណាមបានរិះគន់នាង ទៅលើសមត្ថភាពភាសាអង់គ្លេស។

ក្នុងនោះដែរ នាងបាននិយាយថា៖

ខ្ញុំមិនអាចបញ្ឈប់អារម្មណ៍ និងគំនិតរបស់អ្នកបានទេ ប៉ុន្តែខ្ញុំជ្រើសរើសគ្រប់គ្រងចិត្ត និងអារម្មណ៍របស់ខ្ញុំខ្ញុំមិនស្អប់អ្នកទេ ហើយកុំប្រព្រឹត្តដូចអ្នកធ្វើចំពោះខ្ញុំ។ ខ្ញុំធ្លាប់ទៅប្រទេសវៀតណាមម្តង ប្រជាជនស្វាគមន៍ខ្ញុំ ហើយចិត្តល្អ ខ្ញុំស្រលាញ់ពួកគេ ហើយខ្ញុំស្រលាញ់វៀតណាម អរគុណ។ អរគុណចំពោះជនជាតិវៀតណាម មានអ្នកគាំទ្រច្រើនណាស់ ដែលស្រលាញ់និងគាំទ្រខ្ញុំ
— Engfa

ប្រភព៖ Kenh14

សូមទស្សនារូបភាពខាងក្រោម៖

ទាក់ទងជាមួយ:

តារាថៃ

អានបន្ថែម