អ្នកគាំទ្រប៉ងចង់ឃើញ Yaya Urassaya សម្តែងជាមួយតារាប្រុសៗទាំង ៦រូបនេះ
ថៃ៖ ដោយសង្កេតនៅតាមបណ្តាញប្រព័ន្ធអ៊ីនធើណែតឃើញថាមហាជនមិត្តគាំទ្រវិស័យកម្សាន្តថៃ ពិសេសហ្វេនៗរបស់កំពូលតារាសម្តែង Yaya Urassaya ផ្ទាល់តែម្តង គឺពិតជាប៉ងចង់ឃើញនាងចាប់គូនិងដើរតួសម្តែងជាមួយតារាប្រុសល្បីៗទាំងនេះខ្លាំងមែនទែន។
ដោយក្នុងនោះមហាជនជាច្រើនបានលើកឡើងយ៉ាងដូច្នេះថាពួកគេពិតជាចង់ឃើញ Yaya ដើរតួជាមួយ Pope Thanawat, Boy Pakorn និង Great Warintorn ខ្លាំងជាងគេ ព្រោះមិនធ្លាប់ឃើញ Yaya ចាប់គូសម្តែងជាមួយតួប្រុសៗទាំងនេះឡើយ។
ទន្ទឹមនឹងនោះអ្នកគាំទ្រមួយចំនួនបានបញ្ចេញមតិយោបល់ថា ក្រៅពីតារាប្រុសទាំង ៣ រូបនោះពួកគេក៏ចង់ឃើញ Yaya ដើរតួជាមួយតារាប្រុសពន្លកថ្មី Pon Nawasch និង Nine Naphat ផងដែរ។
បន្ថែមពីនេះទៅទៀតក៏មានអ្នកគាំទ្រមួយចំនួនទៀតបែរជាចង់ឃើញ Yaya ដើរតួជាមួយលោក Luke Ishikawa ទៅវិញព្រោះថាលោកមានរូបរាងខ្ពស់សង្ហា និងជាកូនជប៉ុនកាត់អាមេរិកទៀតផង។ ដោយបច្ចុប្បន្ននេះ Luke ជាតារាសម្តែងដែលស្ថិតក្រោមស្ថានីយ៍ទូរទស្សន៍ GMM៕
សូមទស្សនារូបភាពខាងក្រោមនេះ ៖
ប្រភព៖ thaiupdate