ម្នាក់ទៀតហើយ Oh Won Bin ប្រកាសរៀបការឆាប់ៗ

December 6, 2021

កូរ៉េខាងត្បូង ៖ អតីតសមាជិកក្រុម FT Island លោក Oh Won Bin ដែលមានឈ្មោះពិតគឺ Oh Sung Hyun បានប្រកាសថា លោកនឹងរៀបការក្នុងពេលឆាប់ៗនេះ ព្រមទាំងបង្ហើបថាខ្លួនមានកូនជាមួយនឹងមិត្តស្រីរបស់លោករួចថែមទៀត។

នៅថ្ងៃទី ៥ ខែធ្នូ កាលពីម្សិលមោញនេះអតីតសមាជិកក្រុមចម្រៀងប្រុសរូបនេះ បានប្រកាសតាមរយៈគណនី Instagram ថាលោកបានទទួលអំណោយ «new life» ក្នុងអំឡុងពេលជំងឺរាតត្បាតកូវីដ១៩ដែលតារាប្រុសរូបនេះបានប្រកាសថា លោកនិងអនាគតភរិយាគ្រោងរៀបការ ក្នុងពេលឆាប់ៗខាងមុខនេះ។

ទន្ទឹមនឹងនេះ ក្នុងនាមជាតារាល្បីម្នាក់លោកបាននិយាយថាខ្លួនមានអារម្មណ៍មិនល្អ និងបានសុំទោសដែលលោកបានរក្សារឿងទាំងអស់នេះជារឿងចម្ងាត់ ដោយសារតែលោកមានផលលំបាកផ្ទាល់ខ្លួន ហើយ Oh Won Bin បាននិយាយនៅក្នុងការបង្ហោះរបស់លោកថា ៖

ខ្ញុំរៀបការហើយ ក្នុងអំឡុងពេលជំងឺរាតត្បាតកូវីដ១៩ ខ្ញុំបានទទួលអំណោយជីវិតថ្មីដ៏មានតម្លៃ ដោយស្ងៀមស្ងាត់ … ខ្ញុំរស់នៅក្នុងជីវិតរបស់ខ្ញុំដោយរីករាយ ហើយអ្នកដែលឆាប់ៗក្លាយជាប្រពន្ធរបស់ខ្ញុំ គឺជាអ្នកដែលខ្ញុំស្គាល់យូរមកហើយ តាំងពីខ្ញុំអាយុ ១៧ឆ្នាំ នាងបានជួយខ្ញុំច្រើនគ្រប់ពេលដែលខ្ញុំធ្លាក់ចុះ ហើយនាងតែងតែនៅក្បែរខ្ញុំប៉ុន្មានឆ្នាំចុងក្រោយនេះ … ទោះបីជាខ្ញុំមិនអាចបង្ហោះរូបថត នៃជីវិតស្នេហារបស់យើង ឬកូនរបស់យើងនៅលើ SNS ឯកជនរបស់ខ្ញុំក៏ដោយ ក៏ខ្ញុំដឹងគុណនាងដែលមិនធ្លាប់ត្អូញត្អែរម្តងណាឡើយ។ ... ខ្ញុំសុំទោស ដែលមិនបានលាតត្រដាងរឿងនេះឆាប់ជាងនេះ ហើយសូមអរគុណអ្នកទាំងអស់គ្នាសម្រាប់ការគាំទ្រតាមរយៈ comment និង Message ដូចរាល់ដងផងដែរ៕
— Oh Won Bin

View this post on Instagram

A post shared by 오성현 (@osh_yoru)

Oh Won Bin

ប្រភព : Allkpop

ទាក់ទងជាមួយ:

តារាកូរ៉េ

អានបន្ថែម