កាត់តាមឪពុក កូនស្រី ខាន់ ជេមស៍ ជិតចេញMVថ្មី បង្ហើបប៉ុន្មានឃ្លាពិរោះខ្លាំង(មានវីដេអូ)

រាជធានីភ្នំពេញ ៖ ក្រោយសំងំកសាងគ្រួសារយ៉ាងមានសុភមង្គល កូនៗពេញកម្លោះក្រមុំស្តូក ទើបតារាចម្រៀង ខាន់ ជេមស៍ ព្រមបើកចំហជីវិតគ្រួសារមានកូនដល់ទៅ៤នាក់ ប្រុស២និងស្រី២ ជាពិសេសមានភរិយាស្រស់ស្អាត និងពូកែថែមទៀតផង។

យ៉ាងណាមិញ ជីវិតឯកជនរបស់តារាប្រុសសាច់ចាំរូបនេះ កំពុងស្រស់បំព្រងខ្លាំង មិនថាជាជីវិតគ្រួសារ ឬ ការរកស៊ីឡើយ គឺសុទ្ធតែកាក់កបធ្វើឲ្យហ្វេនៗនាំគ្នាកោតសរសើរ មិនសូវបង្អួតប៉ុន្មានទេ តែរូបលោកនិងភរិយា មានមុខរបរក្នុងដៃច្រើន មិនចាញ់តារាល្បីឯទៀតឡើយ។

តួយ៉ាង ងាកមកមើលពីទេពកោសល្យកូនៗវិញ តារាចម្រៀងរូបនេះ ហាក់ព្យាយាមត្រួសត្រាយផ្លូវឲ្យកូនៗទាំង៤ ដើរលើវិថីសិល្បៈដូចខ្លួន ខណៈកូនៗទាំង៤ក៏សុទ្ធតែមានដុងពីកំណើត ទាំំងការរាំ ទាំំងការច្រៀង និងរូបសម្រស់ពិតជាល្អ បង្វឹកតែបន្តិចបន្តួចនឹងក្លាយជាតារាល្បីនៅថ្ងៃមុខមិនខាន។

ជាក់ស្តែង គេធ្លាប់ឃើញកូនប្រុសម្នាក់ អូន Gate តែងឡើងច្រៀងលើឆាកជាមួយរូបលោកជាញឹកញាប់ ឥលូវនេះ កូនស្រីច្បងនឹងចេញMVចម្រៀងថ្មីនាពេលឆាប់ៗនេះបន្ថែមទៀត បង្ហើបតែប៉ុន្មានឃ្លាសោះ អ្នកគាំទ្រលោកប៉ានាំគ្នាភ្ញាក់អារម្មណ៍ព្រឺតពិរោះខ្លាំង សមជាកូនស្រីតារាចម្រៀងមែន៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖