បានត្រឹមសោកស្ដាយ ពេលឃើញរូបភាពស្អាតៗ របស់ Janice Wu បន្ទាប់ពីលែងលះគ្នា

ចិន៖ គឺជាដំណឹង​លែង​លះ​ដ៏ភ្ញាក់ផ្អើល ពេញសិល្បៈកម្សាន្ត បន្ទាប់ពីអតីតគូស្វាមីភរិយា តារាស្រី Janice Wu និង លោក Zhang Yujian បានប្រកាសជាផ្លូវការ នៅក្នុង​ថ្ងៃ​បុណ្យ​នៃ​សេចក្តី​ស្រលាញ់ ដែលធ្វើឲ្យពួកគេ ទទួលរងនូវមតិជាច្រើន ទាំងការសោកស្ដាយ និងការរិះគន់ ពីអ្នកនិយមលេងអ៊ីនធឺណេត ។ 

យ៉ាងណាមិញ សម្រាប់ តារាស្រី Janice Wu ក៏ទទួលបាន​ការ​លើក​ទឹក​ចិត្ត និងពាក្យជូនពរ​ ដោយ សង្ឃឹម​ថា ​នាង​នឹង​មាន​សេចក្តីសុខ ក៏ដូចជា មាន​គុណសម្បត្តិ​ច្រើន​ នៅលើ​វិថី​ការងារនា​ពេល​ខាង​មុខនេះ​។

ដោយឡែក ក្រោយពីប្រកាសចែកផ្លូវបានត្រឹមតែ ១ ថ្ងៃ ស្រាប់តែមានអ្នកថតរូបដ៏មានប្រជាប្រិយភាពម្នាក់ បានសម្រេចចិត្តចែករំលែករូបថត ពេលមានផ្ទៃពោះមួយឈុត របស់ តារាស្រី Janice Wu បណ្ដាញ​សង្គម​ចិន​ ជាមួយនឹងការបង្ហាញឲ្យឃើញនូវ ​ស្នាមញញឹម​ដ៏​ផ្អែមល្ហែម ភ្លឺ​ថ្លា និង​សុខភាពល្អ របស់ស្ត្រី​ពេលមាន​ផ្ទៃពោះ​ក្នុង​ថ្ងៃ​នោះ ទៀតផង។ 

ជាពិសេស នៅក្នុងនោះ តារាស្រីរូបនេះ ថែមទាំងទទួលបាននូវការសរសើរ ពីសម្រស់ដ៏ស្រស់ស្អាត ពីទស្សនិកជន ព្រោះអំឡុងពេលមានផ្ទៃពោះ នាងនៅតែរក្សារាងស្លីមស្អាត មិនផ្លាស់ប្ដូរ។ 

តែទោះជាយ៉ាងណា នៅតែមានការសោកស្តាយមួយទៀត ចំពោះអាពាហ៍ពិពាហ៍របស់ នាង និងអតីតស្វាមី  ដោយអ្នកទាំងពីរ មិនមានពេលរៀបចំពិធីមង្គលការ ហើយប្រញាប់ប្រញាល់លែងលះគ្នាបែបនេះ ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖