BTS បង្ហាញខ្លួន៨ឆ្នាំ ស្ងាត់ដូចចោរលួចសេះ ក្នុងពេលដែល Idol ល្បីៗនាំគ្នាប្រកាស Dating ព្រោងព្រាត

September 3, 2021

កូរ៉េខាងត្បូង ៖ ប៉ុន្មានថ្ងៃចុងក្រោយនេះមានពាក្យចចាមអារាមការណាត់ជួបតារាល្បីៗ ជាច្រើន ហើយថែមទាំងមានសមាជិកក្រុម Idol ប្រកាសពី អាពាហ៍ពិពាហ៍របស់ពួកគេ ក៏ដូចជាការប្រកាសពីការមានកូន ថែមទៀត។

ជាមួយគ្នានេះ កំពូលតារាចម្រៀងប្រុស BTS ដែលបានបង្ហាញខ្លួន៨ ឆ្នាំ និងកំពុងតែទទួលបានប្រជាប្រិយភាពយ៉ាងខ្លាំងថ្មីៗនេះ មិនដែលធ្លាប់មាន រឿងអាស្រូវនិងព័ត៌មាន Dating សោះ ធ្វើឲ្យអ្នកលេងអ៊ីនធើណែតម្នាក់បានចាប់ផ្តើមការពិភាក្សាមួយនៅក្នុង Online ដោយ និយាយថា “នេះគឺជាអ្វីដែលខ្ញុំមានអារម្មណ៍ រាល់ពេលមានរឿងអាស្រូវណាត់ជួប តើBTS មិនអាចចូលរួម ក្នុងរឿងមួយយ៉ាងដូចម្តេច? សូម្បីតែមិនរាប់បញ្ចូលការចែកចាយ ក៏ដោយក៏ត្រូវតែមានអ្នកថតរូបជាច្រើន តាមពីក្រោយពួកគេដែរ”។

ក្រោយមក អ្នកនិយមលេងអ៊ីនធើណែតផ្សេងទៀត ក៏បានចូលរួមជាមួយសហគមន៍នេះហើយបានបញ្ចេញមតិថា ៖

ខ្ញុំបានលឺថា មានអ្នកថតរូបតាមពីក្រោយពួកគេ នៅអាមេរិក ប៉ុន្តែពួកគេមិនទទួលបានអ្វីសោះ ខ្ញុំគិតថាវាល្អដែលពួកគេរក្សាភាពផ្ទាល់ខ្លួនបានល្អ ឬពួកគេពិតជាមិនមានមិត្តស្រីទេ។
— អ្នកនិយមលេងអ៊ីនធើណែត

និយាយតាមត្រង់ទៅ ខ្ញុំមិនគិតថា Fandom បស់ពួកគេនឹងធ្លាក់ចុះ ដោយសាររឿងអាស្រូវស្នេហាទេ។
— អ្នកនិយមលេងអ៊ីនធើណែត

គ្មានផ្លូវទេ ពួកគេមិនណាត់ជួប ពួកគេគ្រាន់តែមិនដែលត្រូវគេចាប់បាន ដូច្នេះវាពិតជាគ្មានន័យទេ ដែលក្មេងប្រុសទាំង ៧ នាក់នេះ មិនបានណាត់ជួបគ្នាអស់រយៈពេល ៨ ឆ្នាំមកហើយ ខ្ញុំគិតថាពួកគេគ្រាន់តែរក្សាជីវិតឯកជនរបស់ពួកគេ ឱ្យស្អាតដើម្បីកុំឱ្យមានរឿងអាស្រូវ។
— អ្នកនិយមលេងអ៊ីនធើណែត

បើទោះបីជាពួកគេណាត់ជួបគ្នាក៏ដោយ វាជារឿងល្អសម្រាប់អ្នកគាំទ្រ ដែលមិនបានដឹង៕
— អ្នកនិយមលេងអ៊ីនធើណែត

តើអ្នកយល់យ៉ាងណាចំពោះបញ្ហានេះ?

ប្រភព : Allkpop

ទាក់ទងជាមួយ:

តារាកូរ៉េ

អានបន្ថែម