ទំនាក់ទំនងរវាងកម្ពុជានឹងតួអង្គ Smiling Tiger នៅក្នុងរឿង The Falcon and The Winter Soldier
បរទេស៖ ឆ្នាំ២០២១មួយនេះគឺជាឆ្នាំមួយដ៏អស្ចារ្យសម្រាប់វិស័យភាពយន្តជាពិសេសសម្រាប់អ្នកដែលគាំទ្រ និងទស្សនានូវខ្សែភាពយន្ត Superhero របស់ក្រុមហ៊ុនយក្ស Marvel ឬ DC។ ក្រោយពីបានដាក់បញ្ចាំងនូវខ្សែភាពយន្តភាគ WandaVision ចប់ខ្សែភាពយន្តបន្ទាប់របស់ Marvel ដែលនឹងនាំមកអោយទស្សនិកជនទទស្សនានោះគឺរឿង The Falcon and The Winter Soldier ដែលមានដំណាលរឿងបន្ទាប់ពីព្រឹត្តការណ៍ Avengers : Endgame បានបញ្ចាប់ពិសេសគឺ Steve Roger ដែលគេស្គាល់ថាជា Captain America បានប្រគល់ខែល (Shield) ដែលជានិមិត្តសញ្ញាដំណាងអោយ Captain America របស់ខ្លួនទៅកាន់ Sam Wilson ឬ The Falcon នេះឯង។
យ៉ាងណាមិញនៅក្នុងខ្សែភាពយន្តភាគ The Falcon and The Winter Soldier របស់ Disney និង Marvel ក្នុង MCU នេះនាភាគទី៣នៃរឿងយើងបានឃើញថា Sam និង Bucky បានសហការជាមួយនិង Zemo ដើម្បីធ្វើការស៊ើបអង្កេតទាក់ទងទៅនឹង Super Soldier Serum និង Flag Smashers នេះ។ ដោយបានតំរុយពី Zemo ពួកគេទាំងបីនាក់ Sam (The Falcon), Bucky (The Winter Soldier) និង Zemo បានធ្វើដំណើរទៅដល់កោះមួយដែលមានឈ្មោះថា Madripor ដែលជាទីតាំងមួយក្នុងខ្សែភាពយន្ត The Wolverine ផងដែរ។ អ្វីដែលប្លែកផងដែលនោះគឺ Zemo បានអោយ Sam បន្លំខ្លួនធ្វើទៅជាមនុស្សមួយផ្សេងៗទៀតដែលមានឈ្មោះថា Conrad Mack ឬមានឈ្មោះក្រៅហៅថា Smiling Tiger។
គួអោយដឹងដែលថាតួអង្គ Smiling Tiger នេះត្រូវបានបង្កើតឡើងដោយលោក Fabian Nicieza និងលោក Mark Bagley ដែល Conrad Mack នេះមានវត្តមាននៅក្នុងសៀវភៅរឿង New Warrior #19 ឆ្នាំ១៩៩២ របស់ Marvel។ យោងតាមសៀវភៅរឿងនេះបានអោយដឹងពីប្រវិត្តរបស់ Smiling Tiger នេះគឺជាកូនរបស់ Collier Mack បាកមកប្រយុទ្ធនៅក្នុងសង្គ្រាមវៀតណាម (Vietnam War) មានទីតាំងនៅ ប្រទេសកម្ពុជា និងវៀតណាមជាមួយអង្គភាពយោធារបស់គាត់ដែលមានឈ្មោះថា Half Fulls ។
គាត់ និងទាហានរបស់គាត់បានជាប់នៅលើប្រាសាទបុរាណក្នុងប្រទេសកម្ពុជាយើង ដែលជាកន្លែងរបស់ក្រុមសាសនាមួយឈ្មោះថា Dragon's Breath ដែលមានមេដឹកនាំម្នាក់ឈ្មោះថា Tai ។ បន្ទាប់ពីរងការបង្ខិតបង្ខំមួយចំនួនពីមន្តអាគមរបស់មេដឹកនាំសាសនានេះធ្វើអោយ Collier បានលង់ស្រលាញ់ជាមួយនឹងកូនក្រមុំម្នាក់នៅក្នុងសាសនានោះបន្ទាប់មកពួកគេមានកូនម្នាក់ឈ្មោះថា Conrad Mack នេះឯង។
Conrad ត្រូវបានបង្រៀនដោយឪពុករបស់គាត់អំពីជំនាញដែលគាត់បានរៀនក្នុងអំឡុងសង្គ្រាម។ Conrad ក៏បានរកឃើញវិធីមួយដើម្បីប្រើប្រាស់ក្រញ៉ាំទៅជាអាវុធសម្រាប់ប្រយុទ្ធនៅក្នុងសមរភូមិដោយរូបគេអាចប្រែកាយក្លាយទៅជាខ្លាដែលមានកំលាំង និងមានល្បឿនលឿនផងដែរ។ ក្រោយមកគាត់ត្រូវបានគេរកឃើញដោយក The Left Hand ដែលជាអតីតមិត្តរួមឪពុករបស់គាត់ដែលឃើញ Conrad រស់នៅតាមផ្លូវពីព្រោះធម្មជាតិដ៏សាហាវរបស់គាត់បានធ្វើឱ្យរូបគេពិបាកក្នុងការទាក់ទងជាមួយមនុស្សដទៃទៀត។
ក្រោយមក Conrad ក៏បានចូលរួមជាមួយនឹងក្រុមដែលប្រមូលដោយ super villainដែលមានសញ្ជាតិខ្មែរដែលមានឈ្មោះក្រុមថា The Folding Circle ក្នុងនាមជា Smiling Tiger ហើយប្រយុទ្ធជាមួយក្រុម The New Warrior ជាញឹកញាប់ផងដែរ។ហើយពួកគេបានលួចយក Quinjet របស់ក្រុម Avengers និង S.H.I.E.L.D ហើយកំទេចនៅក្នុងក្រុង Madripor ពិភពនៃឧក្រិដ្ឋជនផងដែរ។ ក្រោយមកទៀត Conrad ក៏ក្លាយជាសមាជិកម្នាក់របស់ក្រុម Thunderbolts ដែលជាក្រុមផ្ទុកសមាជិកល្បីៗ Deadpool, Venom, Red Hulk, The Winter Soldier, Hawkeye, Ghost Rider និង Punisher ជាដើម ហើយ Thunderbolts នេះត្រូវបានបង្កើតឡើងដំបូងដោយ Zemo នេះក្នុងនាមជាក្រុម Superhero ដែលប្រមូលផ្ដុំដោយ Anti-Hero និង Supervillain ។
តោះជាយ៉ាងណាក៏ដោយយើងមិនអាចដឹងមុនទេថាតើ MCU ឬ Marvel នឹងធ្វើការអភិវឌ្ឍន៍ ឬផ្លាស់ប្ដូរតួអង្គដែលមានសញ្ជាតិខ្មែរកាត់អាមេរិចនេះយ៉ាងមិចនៅឡើយទេ ក៏ប៉ុន្តែសម្រាប់អ្នកគាំទ្រនៅកម្ពុជាយើង ប្រាកដជាចង់ឃើញណាស់នូវវត្តមានអ្វីមួយដែលទាក់ទងទៅនឹងប្រទេសយើងនៅក្នុងខ្សែភាពយន្លល្បីៗជាពិសេស Marvel ទាំងនេះឯង ហើយយើងសង្ឃឹមថា Marvel និងមិនផ្លាស់ប្ដូរអ្វីច្រើនពីតួអង្គ Conrad Mack ដែលមានប្រវិត្តទាក់ទងទៅនឹងកម្ពុជាយ៉ងទៅចុះ៕
