លង់ហើយ ស្មានតែ Oppa! នីកូ លេងស្ទាយ៍សង្ហា មិនចាញ់តារាកូរ៉េ

ភ្នំពេញ៖ ពិតណាស់ សម្រាប់ការលេងស្ទាយ៍តុបតែងខ្លួន​ របស់តារាចម្រៀង លោក នីកូ ជារឿយៗនាពេលកន្លងមក អ្នកណាៗក៏ដឹងដែរថា មិនថាលោកលេងខ្លួនបែបណាក៏ដោយ ក៏តារាប្រុសរូបនេះ តែងត្រូវបានអ្នកនិយមលេងបណ្ដាញសង្គម ពោលពាក្យសរសើរ ជាមួយសម្រស់ដ៏ស្រស់សង្ហារបស់លោកច្រើនហូរហែរ ។

ជាក់ស្ដែង ថ្មីៗនេះ តារាចម្រៀងដ៏មានទេពកោសល្ យទឹកដមសម្លេងផ្អែមពីរោះរូបនេះ ក៏ទើបតែបានបង្ហោះរូបភាពថ្មីៗរបស់ខ្លួននៅលើបណ្ដាញសង្គមផងដែរ ដោយលើកនេះក៏មិនខុសពីរាល់ដងដែរ ព្រោះថាជាញឹកញាប់ នីកូ តែលេចធ្លោជាមួយនឹងស្ទាយ៍លេងខ្លួន សម្លៀកបំពាក់ទាន់សម័យ មើលទៅហាយសូមិនចាញ់តារាបរទេស ជាពិសេសនោះគឺដូចតារាកូរ៉េអញ្ចឹង។  

ដោយឡែក តាមរយៈរូបភាពថ្មីៗទាំងនោះ យើងឃើញថា នីកូ បានបង្អួតសម្រស់របស់ខ្លួន ដោយភាពជឿជាក់ជាមួយម៉ូតសម្លៀកបំពាក់បែបអាវយឺតរងារពណ៌ស្លែរ រួមនឹងការលេងទឹកមុខមាំៗ ព្រងើយៗ បន្តិចថែមទៀតនោះ មើលទៅគ្រប់ប្លង់ថតរបស់លោក ពិតជាទាក់ទាញ និងសង្ហាប្រៀបដូចទៅនឹងតារាកូរ៉េតែម្ដង៕ 

សូមទស្សនារូបភាពខាងក្រោម៖