ដូចរំភើបជាងកូនក្រមុំទៀត Jin ឈរបាច់ផ្កាឲ្យ Jiyeon ក្នុងថ្ងៃមង្គលការ (មានវីដេអូ)

កម្សាន្ត៖ ថ្មីៗនេះ អ្នកគាំទ្រតារា Kpop ច្បាស់ជាដឹងហើយថា តារាស្រី Jiyeon សមាជិកក្រុម T-ara បានចូលរោងការ បន្ទាប់ពីប្រកាសទំនាក់ទនងជាមួយគូស្នេហ៍ដែលជាកីឡាករវាយកូនបាល់ម្នាក់។ នៅក្នុងនោះ គេឃើញមានភ្ញៀវជាមិត្តរួមសិល្បៈ ហើយក៏ជាតារាល្បីៗជាច្រើនបានចូលរួមអបអរថ្ងៃមង្គលរបស់តារាស្រីរូបនេះ។

ជាពិសេស គេក៏ប្រទះឃើញវត្តមាន Jin ដែលជាសមាជិកក្រុម BTS បានចូលរួមក្នុងកម្មវិធី ធ្វើឲ្យមានការភ្ញាក់ផ្អើលពេញបណ្ដាញសង្គមជាខ្លាំង។ អ្វីដែលគួរឲ្យចាប់អារម្មណ៍ទៀតនោះ គេឃើញសកម្មភាព Jin ឈរបាញផ្កាឲ្យ Jiyeon និង កូនកម្លោះ ហាក់ដូចជាត្រេកអររំភើបជំនួសសមីខ្លួនទៀត។

ទន្ទឹមនឹងនោះ គេបានថតវីដេអូសកម្មភាពមួយនេះ បង្ហោះពេញបណ្ដាញអ៉ិនធើណែត ធ្វើឲ្យមហាជនឆ្ងល់ថា Jin ស្និតស្នាលជាមួយតារាស្រីរូបនេះ តាំងពីពេលណាទើបបង្ហាញសកម្មភាពបែបនេះ។ បន្ទាប់ឃើញវីដេអូនេះហើយ ហ្វេននាំគ្នាថា ទម្រាំការខ្លួនឯងទៀត អាយដលរូបនេះ មិនដឹងសប្បាយចិត្តយ៉ាងណា៕

សូមទស្សនាវីដេអូខាងក្រោម៖