ចិន៖ ជាការពិតណាស់ រាល់ពេលចូលរួមកម្មវិធីម្ដងៗ បណ្ដាតារាល្បីៗជាច្រើន ជាពិសេសតារាស្រី តែងតែព្យាយាមបង្ហាញមុខ ជាមួយនឹងរូបភាពដ៏ល្អឥតខ្ចោះ និងមិនចង់មានឧប្បត្តិហេតុណាមួយកើតឡើង ពេលកំពុងដើរ និងឈរលើកម្រាលព្រំក្រហមនោះទេ។ តែទោះយ៉ាងណា ករណីនេះនៅតែមាន ដែលធ្វើឲ្យហ្វេនៗជាច្រើនមានការចាប់អារម្មណ៍យ៉ាងខ្លាំង ។
ក្នុងនោះដែរ ស្រាប់តែមានចែករំលែកឡើងវិញ ពីរូបថតជាច្រើនសន្លឹករបស់ តារាស្រី Zhao Liying នៅពេលនាងបានចូលរួមក្នុងកម្មវិធីផ្សព្វផ្សាយម៉ាកយីហោមួយ កាលពីខែមេសា ឆ្នាំ ២០២១ កន្លងទៅ។ មិនត្រឹមតែប៉ុណ្ណោះ តារាស្រីរូបនេះ បានលេចមុខជាមួយនឹងរ៉ូបគ្មានខ្សែពណ៌ស បង្អួតស្មាស្ដើងរបស់ខ្លួន ដែលមានរូបសម្រស់ស្រស់ស្អាត និងក្មេងវ័យ ថែមទៀត។
អ្វីដែលគួរឲ្យផ្ដោតអារម្មណ៍ជាងនេះ គឺនៅខណៈដែល Zhao Liying កំពុងតែរវល់ជជែកជាមួយពិធីករ ពេលនោះស្រាប់តែ ក្រវិលមួយបានធ្លាក់មកលើស្មារបស់នាង ប៉ុន្តែតារាស្រីរូបនេះ បែរជាមិនបង្ហាញអារម្មណ៍ភ្ញាក់ផ្អើលភ័យស្លន់ស្លោអ្វីឡើយ និងកាន់ក្រវិលដែលជ្រុះនៅនឹងដៃ រួចរក្សាស្នាមញញឹមដាក់ពិធីករ និងរូបភាពដ៏លេចធ្លោគួរជាទីពេញចិត្ត សម្រាប់ទស្សនិកជនទាំងឡាយ៕
ប្រភព៖ Kenh14
សូមទស្សនារូបភាពខាងក្រោម៖