អត់និយាយច្រើន ភ្ជាប់ពាក្យហើយ សយ រតនៈ និង ប៉ាច គីមមួយ បន្ថែមស្ករឲ្យគ្នាខ្លាំងបែបនេះ

ថៃ៖  ពិតណាស់ លោក សយ រតនៈ និង កញ្ញា ប៉ាច គីមមួយ ដែលអ្នកទាំងពីរគឺជាអតីតបេក្ខភាពប្រលង ក្នុងកម្មវិធី The Voice Cambodia រដូវកាលទីមួយ ដោយចាប់តាំងពីពេលនោះមក អ្នកទាំងក៏ទទួលបានប្រជាប្រិយភាពជាហូរហែ។

យ៉ាងណាមិញ កាលពេលថ្មីៗកន្លងទៅនេះ អ្នកទាំងពីរបានធ្វើឲ្យហ្វេនៗអ្នកគាំទ្រ មានការភ្ញាក់ផ្អើលនិង រំភើបចិត្តជាខ្លាំង បន្ទាប់ពី តារាចម្រៀងទាំងពីរដួងនេះបានដឹកដៃគ្នា ចូលរោងភ្ជាប់ពាក្យយ៉ាងអធិកអធម បន្ទាប់ពីបានមើលចិត្តគ្នាយូរមកហើយ ប្តូរជាគូស្នេហ៍មកជាគូណ្ដឹងតែម្ដង។

ជាពិសេស គ្រាន់តែភ្ជាប់ពាក្យហើយភ្លាម សយ រតនៈ និង ប៉ាច គីមមួយ មិនបង្អង់យូរ ក៏រឹតតែបង្ហាញរូបភាពស្វីតនៅលើបណ្ដាញសង្គមជាហូរហែ ឲ្យអ្នកគាំទ្របានឃើញ​ ថែមទាំងលួចច្រណែនមិនស្ទើរនោះទេ។ ជាក់ស្ដែង ដូចថ្មីៗនេះ នៅលើគណនីហ្វេសប៊ុក ផ្ទាល់ខ្លួនរបស់ តារាប្រុសស្រីទាំងពីរនេះ ក៏បានបង្ហោះរូបគូតែពីរនាក់បន្ថែមទៀត ខណៈដែលទៅបំពេញការងារក៏ដូចជាដំណើរកម្សាន្តនៅឯប្រទេសថៃ មើលទៅពិតជាសមគ្នាខ្លាំងមែនទែន៕

សូមទស្សនារូបភាពខាងក្រោម៖