មិនមែនមើលតែទ្រព្យ សាន់ឆាយ សុខចិត្តមិនទទួលលុយពីអតីតស្វាមី ដោយសាររឿងនេះ

តៃវ៉ាន់៖ ថ្មីៗនេះ យោងតាម ទំព័រ 163 បានរាយការណ៍ថាតារាសម្តែងស្រី Barbie Hsu និងអតីតស្វាមី លោក Wang Xiaofei បាននាំគ្នាទៅតុលាការ ដើម្បីដោះស្រាយបញ្ហាពីជម្លោះ ក្នុងការមើលថែរក្សាកូន ក៏ដូចជាថ្លៃមើលថែទាំ។

ប៉ុន្តែ លទ្ធផល​នៃ​ការ​ជំនុំ​ជម្រះ ​ត្រូវ​បាន​លាត​ត្រដាង​ជាមួយ​នឹង​លក្ខខណ្ឌ​ ដោយតាមនោះដែរ តារាស្រី Barbie Hsu ស្ម័គ្រ​ចិត្ត​ លះបង់ចោល​ថ្លៃ​ចិញ្ចឹម​កូន​ប្រចាំខែ​ដែល អតីតស្វាមីបង់​តាម​លក្ខខណ្ឌ​នៃ​អាពាហ៍ពិពាហ៍​មុន​ របស់ខ្លួន ខណៈដែលតាម កិច្ចព្រមព្រៀងលែងលះ នៅចុងឆ្នាំ ២០២១ អ្នកទាំងពីរបានព្រមព្រៀងគ្នាថា រៀងរាល់ខែ លោក Wang Xiaofei នឹងផ្ញើប្រាក់ឧបត្ថម្ភដល់ Barbie Hsu ប្រហែល ៣០០០ ដុល្លារជាប្រាក់ឧបត្ថម្ភ។ 

លើសពីនេះ តារាស្រីរូបនេះ បាននិយាយថា នាងនឹងបណ្តេញអ្នកបើកបរ អតីតមេដោះ ដែលនៅជាមួយគ្រួសារយូរមកហើយ ចាប់តាំងពីពួកគេរៀបការ ខណៈដែលតម្លៃ​នៃ​ការ​ជួល​ពួកគេ​ទាំង​នេះ​ គឺ​លោក Wang Xiaofei ជាអ្នកបង់ថ្លៃឈ្នួល។ ហើយ Barbie Hsu នឹងជួលអ្នកបំរើថ្មី ដោយនាងនឹងចេញថ្លៃចំណាយលើ ការរស់នៅប្រចាំថ្ងៃ ដូចជា ភ្លើង ទឹក និងបុគ្គលិក ផងដែរ។

មិនត្រឹមតែប៉ុណ្ណោះ ត្រូវបានគេដឹងទៀតថា តារា​ស្រី​រូប​នេះ​បានរារាំង​អតីត​ស្វាមី​មិន​ឲ្យ​មកមើលកូន ដោយមិនថាជាហេតុផលណាក៏ដោយ អតីតស្វាមីរបស់នាង នឹងមិនត្រូវបានអនុញ្ញាតឱ្យទៅសួរសុខទុក្ខកូនៗឡើយ៕

ប្រភព៖ Zingnews

សូមទស្សនារូបភាពខាងក្រោម៖