Ali ញញឹមបិទមាត់មិនជិត ក្រោយបាន Tiffany ធ្វើខួបកំណើតឲ្យដោយផ្ទាល់

កូរ៉េខាងត្បូង៖ ថ្មីៗនេះ​ Tiffany សមាជិកក្រុម Girls' Generation និង​ជា​តារា​សម្ដែង Anupam Tripathi ដែលគ្រប់គ្នាស្គាល់ថាជា Ali ក្នុងរឿង «Squid Game» បាន​ធ្វើ​ឱ្យ​អ្នក​គាំទ្រ​ភ្ញាក់​ផ្អើល និងរំភើបចិត្ត​ជា​មួយ​នឹង​រូបថត​ដ៏រីករាយរបស់​ពួក​គេ។

គួររំលឹកផងដែរថា កាលពីសប្តាហ៍មុន នៅលើគណនី Instagram កម្មវិធីអនឡាញ របស់ Tiffany គឺ Breakfast With Tiffany ក៏បានផ្សព្វផ្សាយ រូបភាពរបស់ Anupam ផងដែរ ដោយបានកាត់តររូបរបស់លោកទៅតាម Concept របស់រឿង «Squid Game»។

ទន្ទឹមនឹងនោះ ក្រោយ Tiffany បានបង្ហោះ​រូបភាពជាច្រើនរបស់ខ្លួន ជាមួយនឹង Anupam ថែមទាំងបានចែករំលែករូបថតនំខួបកំណើត ឲ្យ Anupam លើកទី៣៣ ថែមទៀត មិនតែប៉ុណ្ណោះតារាចម្រៀងស្រីរូបនេះ ក៏បានបញ្ចូលលេខរបស់ Ali គឺលេខ១៩៩ នៅ Caption ក្នុងគណនី Instagram របស់នាងផងដែរ៕

សូមទស្សនារូបភាពខាងក្រោម ៖

ប្រភព : Koreaboo