រូបភាពគូដំបូងBaifern និង Nine ឡើងផ្អែមល្ហែម ហ្វេនៗរំភើបជំនួស

ថៃ៖ ពិតណាស់ ដូចដែលហ្វេនៗចាច្រើនបានដឹងមកហើយ ពីទំនាក់ទំនងរវាងតារាស្រី Baifern Pimchanok និង លោក Nine Naphat ដែលកំពុងបានក្លាយជាទីចាប់អារម្មណ៍យ៉ាងខ្លាំង ជាពិសេស នៅពេលដែលខាងប្រុសបានចេញមកសារភាពថា លួចមានចិត្តទៅលើតារាស្រីរូបនេះ ។

យ៉ាងណាមិញ ចំពោះ ភាគីខាងតារាស្រី Baifern វិញ ដែលធ្វើឲ្យហ្វេនទន្ទឹងរង់ចាំពីការឆ្លើយតបនោះ នៅពេលដែល បានដឹងរឿងនេះ រូបនាងក៏បានត្រឹមបង្ហាញកាយវិការ ងក់ក្បាលពីការមានចិត្តចំពោះ Nine បើទោះបីជាមិនបាននិយាយអ្វីច្រើនក៏ដោយ ។

ដោយឡែក ថ្មីៗនេះ តារាប្រុសស្រីទាំងពីររូបនេះ កំពុងតែធ្វើឲ្យអ្នកគាំទ្រ កាន់តែហ៊ោកញ្ជ្រៀវទៀតហើយ បន្ទាប់ពីបានចេញមកបើកបង្ហាញរូបភាពថ្មីៗជាមួយគ្នាជាលើកដំបូង ដែលនៅក្នុងនោះដែរ ពួកគេទាំងពីរពិតជាបង្ហាញពីកាយវិការ ដ៏ផ្អែមល្ហែម ធ្វើឲ្យអ្នកទស្សនា កាន់តែរំភើបជំនួសពេលបានឃើញពីភាពស្និទ្ធស្នាលគួរឲ្យស្រលាញ់ បែបនេះ ៕

សូមទស្សនារូបភាពខាងក្រោម៖