ភ្ជាប់ពាក្យរួច ពេជ្រ សោភា និងគូដណ្ដឹង កាន់តែស្វីត

ភ្នំពេញ៖ កាលពីថ្ងៃទី១១ ខែ វិច្ឆិកា ឆ្នាំ ២០២២ កំពូលតារាចម្រៀង អ្នកនាង ពេជ្រ សោភា បានភ្ជាប់ពាក្យជាមួយតារាសម្ដែងកំលោះសង្ហាលោក ឆឹម សក្កដា។ ក្រោយហ្វេនដឹងដំណឹងថា អាយដលក្នុងដួងចិត្តខ្លួនភ្ជាប់ពាក្យ ម្នាក់ៗរំភើប ត្រេកអរគ្រប់ៗគ្នាតែម្ដង។ 

ពិតណាស់ អ្នកនាង ពេជ្រ សោភា និងលោក ឆឹម សក្កដា មុនឈានដល់ថ្ងៃភ្ជាប់ពាក្យ អ្នកទាំងពីរបានមើលចិត្តគ្នារាប់ឆ្នាំ ដូច្នេះហើយទើបអ្នកទាំងពីរយល់ចិត្តគ្នាច្បាស់បែបបនេះ។  មិនតែប៉ុណ្ណោះ គេដឹងថាគូដណ្ដឹងមួយគូនេះ មិនបានហៅគ្នាថាគូដណ្ដឹងឡើយ តែបែរជាដាក់ឈ្មោះឲ្យគ្នាថាជាមិត្តភក្ដិយល់ចិត្តទៅវិញ។ 

ជាក់ស្ដាេង ក្រោយអ្នកនាង ពេជ្រ សោភា និងលោក ឆឹម សក្កដា ភ្ជាប់ពាក្យរួច គេតែងឃើញអ្នកទាំងពីរបង្ហោះរូបភាពគូ មើលទៅស្វីត ហើយមានក្ដីសុខ ពោរពេញដោយស្នាមញញឹមខ្លាំង។ ជាពិសេស រូបភាពថ្មីអ្នកទាំងពីរ កំពុងធ្វើឲ្យហ្វេនលួចច្រណែនគ្រប់ៗគ្នាខណៈដែលផ្អែមល្ហែមបែបនេះ៕ 

សូមទស្សនារូបភាពខាងក្រោម៖