វ័យជាង៥០ហើយ គូស្នេហ៍ Nicholas Tse កាន់តែក្មេងឡើង

ហុងកុង៖ ក្រៅពី ទំនាក់ទំនងស្នេហាដ៏គួរឲ្យចាប់អារម្មណ៍ រវាង តារាប្រុស លោក Nicholas Tse និង តារាស្រី Faye Wong ហើយ មនុស្សជាច្រើន ថែមទាំងយកចិត្តទុកដាក់ទៅលើ ការបង្ហាញខ្លួន របស់ Faye Wong ដែលអាចចាត់ទុកថា នាងគឺជា​ស្រី​ស្អាត​ម្នាក់ នៅ​ក្នុង​វិស័យ​កម្សាន្ត​ហុងកុង។ 

មិនត្រឹមតែប៉ុណ្ណោះ បើទោះជាបច្ចុប្បន្ននេះ Faye Wong មានវ័យ ៥២ឆ្នាំហើយក៏ដោយ ប៉ុន្តែសម្រស់របស់នាងនៅតែដិតជាប់ក្នុងអារម្មណ៍ហ្វេនៗ ជាមួយនឹងការបង្ហាញខ្លួនក្នុងឃ្លីបមួយ ដែលបានលេងខ្លួនក្នុងឈុតសម្លៀកបំពាក់អាវយឺតពណ៌លឿងយ៉ាងសាមញ្ញ តែងសក់ខ្លីដ៏ទាន់សម័យ តែបែរជាធ្វើឲ្យមើលទៅមុខមាត់របស់នាង កាន់តែមានភាពវ័យក្មេងខ្លាំង ដ៏មិនគួរឲ្យជឿ។ 

ម៉្យាងវិញទៀត បណ្ដាអ្នកគាំទ្រជាច្រើន ពិតជាមានការភ្ញាក់ផ្អើលយ៉ាងខ្លាំង ក៏ដូចជា ព្រមទទួល​ស្គាល់​ថា បើទោះបីជាមានអាយុច្រើនក្ដី តែសម្រស់ Faye Wong មិនបានផ្លាស់ប្ដូរទៅតាមពេលវេលាឡើយ និងនៅតែ​រក្សាបាននូវភាពស្រស់ស្អាតវ័យក្មេង ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖