ហាន់ ជីអ៊ុន លែងចង់ណាត់ជួប ក្រោយរៀបការបរាជ័យជាមួយ Song Joong Ki?
កម្សាន្ត ÷ គ្មានការបដិសេធឡើយចំពោះ ប្រជាប្រិយភាពដ៏ធំរបស់ Song Hye Kyo បើទោះជានាងបានប្រឡូកក្នុងវិស័យសម្ដែងជាង ២ ទសវត្សរ៍មកហើយ យ៉ាងណាក្តី ខណៈពេលដែលតារាស្រីរូបនេះ មានទ្រព្យសម្បត្តិ និងភាពល្បីល្បាញ ប៉ុន្តែជីវិតស្នេហារបស់នាង បែជាពោរពេញដោយភាពឧបសគ្គទៅវិញ។
ទាក់ទងនឹងចំណងស្នេហ៍នេះ អ្នកនិយមលេងអ៊ីនធើណែតមួយរូប បានលើកយកបទសម្ភាសន៍របស់ Song Hye Kyo ជាមួយ Women’s Chosun មកបង្ហោះ ដែលធ្វើឱ្យមានការចាប់អារម្មណ៍យ៉ាងខ្លាំង ក្រោយនៅទីនោះ Song Hye Kyo បានបង្ហាញពីការផ្តោតអារម្មណ៍បច្ចុប្បន្ន នឹងការងារតែមួយគត់របស់នាង ដោយនិយាយថា «ខ្ញុំចូលចិត្តរូបរាងរបស់ខ្ញុំពេលកំពុងធ្វើការ ហើយជឿថាខ្ញុំកំពុងរស់នៅពេញលក្ខណៈយ៉ាងពិតប្រាកដពេលកំពុងថត ដូច្នេះខ្ញុំនឹងខិតខំប្រឹងប្រែងធ្វើការ ហើយមិនចង់បានអ្វីផ្សេងទៀតទេ»។
ក្រោយការចែករំលែកនេះពី Song Hye Kyo បានធ្វើឱ្យអ្នកនិយមលេងអ៊ីនធើណែតចាប់អារម្មណ៍យ៉ាងងាយ ដោយអ្នកខ្លះសរសើរថា តារាស្រីរូបនេះមានការយកចិត្តទុកដាក់ក្នុងការសម្តែង ទោះជាយ៉ាងណាក៏ដោយ អ្នកផ្សេងទៀតជាច្រើនក៏បានចង្អុលបង្ហាញថា ការផ្តោតអារម្មណ៍តែមួយគត់របស់ Song Hye Kyo គឺការងាររបស់នាង ដែលធ្វើឱ្យវាពិបាក សម្រាប់នាងក្នុងការណាត់ជួប ហើយអ្នកខ្លះក៏បានចោទសួរថា តើការលែងលះរបស់នាងជាមួយ Song Joong Ki បានជំរុញឱ្យ Song Hye Kyo ក្លាយជាមនុស្សគិតតែធ្វើការឬអត់?
ជាការពិតណាស់ សម្រាប់ពេលនេះ Song Hye Kyo កំពុងរៀបចំខ្លួនយ៉ាងពេញទំហឹង សម្រាប់គម្រោង «The Glory» ដែលគ្រោងនឹងចាក់ផ្សាយនៅចុងឆ្នាំ ២០២២ ហើយនៅទីនេះ តារាស្រីរូបនេះនឹងប្រែក្លាយទៅជា Moon Dong Eun នៅក្នុងរឿងថ្មីនេះ៕
ប្រភព : Kbizoom