ទោះរូបថតមិនច្បាស់ Lee Jooyeon សង្ហាទាក់ទាញខ្លាំង

កម្សាន្ត៖ មហាជនដែលលេងបណ្ដាញសង្គម និង ជាអ្នកនិយមចូលចិត្តវិស័យតារាចម្រៀង Kpop កំពុងតែបង្ហាញចំណាប់អារម្មណ៍ទៅកាន់ Lee Jooyeon ជាខ្លាំង ដោយសារតែរូបថតប៉ុន្មានសន្លឹក។ លើសពីនោះ មហាជនសរសើរទៅលើសម្រស់តារាប្រុសនេះ ដែលទោះបីថតមិនច្បាស់ប៉ុណ្ណឹងហើយ នៅតែសង្ហាទាក់ភ្នែក។

ជាមួយគ្នានេះដែរ Lee Jooyeon គឺជា តារាចម្រៀងរ៉េប សមាជិកក្រុម Xdinary Heroes ដែលស្ថិតនៅក្នុងផលិតកម្ម JYP។ ទន្ទឹមនឹងនោះ តារាប្រុសនេះ ទទួលបានការចាប់អារម្មណ៍ពីហ្វេនខ្លាំងជាងគេ ក្រៅពីសមត្ថភាពសិល្បៈហើយ ថែមទាំងមានសម្រស់រូបរាងសង្ហាត្រូវចិត្តហ្វេនៗទៀត។

ជាពិសេស លោកបានឆក់យកបេះដូងមហាជនជាច្រើន បន្ទាប់ពី រូបថត គុណភាពអន់ ប៉ុន្មានសន្លឹករបស់​ Lee Jooyeon ដ៏មានមន្ដស្នេហ៍ ដែលត្រូវបានគេចែកចាយពេញបណ្ដាញសង្គម។ គួរបញ្ជាក់ផងដែរថា តារារ៉េបរូបនេះ ទើបតែមានអាយុ១៩ឆ្នាំប៉ុណ្ណោះ តែលោកមានទេពកោសល្យគួរឲ្យកោតសរសើរ៕

ប្រភព៖ All About Kpop