មកមើលមិត្តភាពដ៏អស្ចារ្យ រវាងតារាស្រី Kpop ទាំង៣ មកពីប្រទេសថៃដូចគ្នា

កម្សាន្ត ÷ ជាការពិត នៅក្នុង Kpop តារាមិនត្រឹមតែមានមិត្តភាពល្អ នឹងសមាជិកក្រុមនោះទេ ពួកគេក៏តែងតែរាប់អានតារានៅក្រុមផ្សេង ក៏ដូចជាផលិតកម្មផ្សេងជាដើម ហើយមិត្តភាពទាំងនោះ ក៏តែងតែទាក់ទាញការចាប់អារម្មណ៍យ៉ាងខ្លាំង ពីអ្នកគាំទ្រដូចគ្នា។

ទន្ទឹមនឹងនេះ ក្នុងចំណោមមិត្តភាពជាច្រើន ដែលអ្នកគាំទ្រចាប់អារម្មណ៍ក៏មានមួយ ដែលបានមកពីតារាស្រី ៣រូប មកពីប្រទេសថៃដូចគ្នា នោះគឺ Lisa សមាជិកក្រុម BLACKPINK  Minnie សមាជិកក្រុម (G)I-DLE និង Sorn សមាជិកក្រុម CLC ដោយសារតែមានប្រទេសកំណើតដូចគ្នា ពួកគេតែងតែបង្ហាញការគាំទ្រ និងស្រលាញ់គ្នាទៅវិញទៅមក តាំងពីមុនពេលបង្ហាញខ្លួនមកម៉្លេះ។

យ៉ាងណា ថ្មីៗនេះក្រុម (G)I-DLE ទៅប្រទេសថៃសម្រាប់ការប្រគុំតន្រ្តីទេសចរណ៍ ជុំវិញពិភពលោករបស់ពួកគេ អ្វីដែលកាន់តែពិសេសនោះគឺ សមាជិកគ្រួសាររបស់ Minnie Lisa និង Sorn ក៏បានមកគាំទ្រ និងថតរូបជាមួយគ្នាផងដែរ មិនតែប៉ុណ្ណោះ សូម្បីតែកាលពីមុនក្នុងកម្មវិធីប្រគុំតន្ត្រី (G)I-DLE នៅប្រទេសកូរ៉េ ក៏ Lisa និង Sorn មកបង្ហាញការគាំទ្រដល់ Minnie ហើយថែមទាំងបានថតរូបជាមួយ ក្រុមគ្រួសារ និងមិត្តភក្តិទៀតផង។

ទាំងនេះ បញ្ជាក់ថា មិត្តភាពរបស់ពួកគេពិតជាអស្ចារ្យ ព្រោះទោះជាពួកគេមានកិច្ចការងារ រវល់យ៉ាងណា ក៏មិនដែលខកខានការផ្តល់កម្លាំងចិត្ត និងក្តីស្រលាញ់ចំពោះគ្នាទៅវិញទៅមកនោះដែរ ចំណុចនេះហើយដែលអ្នកគាំទ្រតែងតែរំភើបចិត្ត និងកោតសរសើរតារាស្រីល្បីឈ្មោះទាំង ៣រូបនេះ៕

ជ្រាបច្បាស់ សូមទស្សនារូបភាពខាងក្រោម ÷

ប្រភព : Kbizoom