ប្ដីល្អ!! ស្វាមី Chompoo បញ្ជាក់ថា នាងជាមនុស្សដែល លោកបារម្ភ ពេលមានរឿង

February 12, 2023

ថៃ៖ ជឿជាក់ថា រឿងរ៉ាវរបស់តារាស្រី Chompoo និងស្វាមី គឺនៅតែជារឿងដែលមហាជនជាច្រើន តាមដាន ជាពិសេស បន្ទាប់ពី តារាស្រីរូបនេះ បានចេញមុខឆ្លើយតប ទៅលើពាក្យចចាមអារ៉ាមថា ប្តីបានលួចលាក់មានស្រីទៀត។

អ្វីដែលគួរឲ្យចាប់អារម្មណ៍នោះគឺ នៅពេលដែល តារាស្រី Chompoo និងស្វាមី លោក Nott Visarut បានចេញមកផ្ដល់បទសម្ភាសន៍ និងបានពិភាក្សាគ្នា អំពីបញ្ហាព័ត៌មានមួយនេះនោះ តារាស្រីរូបនេះ បានបង្ហើបជាមុនថា៖

អ្នកដែលធ្វើបែបនេះដាក់យើង ហេតុអ្វីគេធ្វើអញ្ចឹង? ព្រោះយើងខ្លួនឯង មិនដែលធ្វើបាបអ្នកណាទេ។ ខ្ញុំថា វាជារឿងធម្មតាសម្រាប់មនុស្សពេលនរណាម្នាក់ មកប៉ះពាល់គ្រួសារយើង។ ហើយជាពិសេសយើងជាមនុស្ស ដែលឱ្យតម្លៃដល់ក្រុមគ្រួសារ។ នៅពេលនរណាម្នាក់ប៉ះពាល់យើងនៅទីនេះ ហើយយើងក៏ជាមនុស្សដែរ។ សូម្បីតែមានអ្នកណាគិតថា យើងកំពុងចូលតួពីលើរឿងល្ខោននោះ ប៉ុន្តែបើអ្នកណាប៉ះពាល់គ្រួសាររបស់យើង គឺយើងមិនចូលចិត្តនោះទេ។
— Chompoo

តែសម្រាប់ខាងស្វាមីរបស់នាង បានបង្ហាញពីអារម្មណ៍ដ៏គួរឲ្យចាប់អារម្មណ៍ នៅពេលដែលលោកបានបញ្ជាក់ថា៖

នៅពេលមានដំណឹងនេះ រឿងដែលខ្វល់ចិត្តបំផុត គឺប្រពន្ធខ្ញុំ។ ដូចព័ត៌មាននេះ ខ្ញុំចំណាយពេល១នាទី ជម្រះដើម្បីឲ្យចប់ ខ្ញុំបានទូរស័ព្ទទៅសង្សារបស់ប្អូនស្រី គាត់ក៏ចប់ដែរ ដូចខ្ញុំនិយាយ អ្វីដែលយើងខ្វល់ជាងគេ គឺប្រពន្ធយើង អ្នកផ្ទះយើង គ្រួសារយើង។ ហើយពេលនេះ យើងក៏មិនបានជាប់គាំងអ្វីឡើយ។ ខ្ញុំជាស្វាមីតារាមែន ប៉ុន្តែខ្ញុំមិនមែនជាអ្នកនៅក្នុងវិស័យកម្សាន្តទេ។ ពេលសួរថាតើ ប្រព័ន្ធផ្សព្វផ្សាយសង្គមប៉ះពាល់ដល់អាជីពរបស់ខ្ញុំឬអត់នោះ គឺគ្មានទេ។
— ស្វាមី Chompoo

យ៉ាងណាមិញ ចំពោះការបកស្រាយរបស់ស្វាមី Chompoo ក៏បានធ្វើឲ្យអ្នកគាំទ្រ ពេញចិត្ត និងបានចូលរួមបញ្ចេញមតិ និងសរសើរ ទៅលើគ្រួសារនាងយ៉ាងខ្លាំង ផងដែរ៕

ប្រភព៖ Sanook

សូមទស្សនារូបភាពខាងក្រោម៖

ទាក់ទងជាមួយ:

តារាថៃ រូបភាព

អានបន្ថែម