សង្ហាអត់លូវ?? ស្វាមី ចៀវៃ បង្ហាញរូបរាងស្លីម ក្រោយធ្លាប់ត្រូវរិះគន់ពីរឿងឡើងគីឡូខ្លាំង

តៃវ៉ាន់៖ ទោះជាមួយរយៈចុងក្រោយមកនេះ តារាប្រុសដ៏ល្បីឈ្មោះ លោក Wallace Huo ដែលត្រូវបានគេស្គាល់ថា ជាស្វាមីរបស់តារាស្រី Ruby Lin ហាក់មានភាពស្ងប់ស្ងាត់នៅក្នុងអាជីពសិល្បៈក៏ពិតមែន បណ្ដាហ្វេនៗជាច្រើន នៅរង់ចាំនិងតាមដានពីសកម្មភាព របស់តារាប្រុសរូបនេះជាប្រចាំ ផងដែរ។

ដោយឡែក កាលពីថ្មីៗនេះ យោងតាមទំព័រ ១៦៣ ស្រាប់តែមានការបង្ហោះមួយយ៉ាងក្តៅគគុកនៅលើបណ្តាញសង្គមចិន ដោយបានចែករំលែករូបភាពចុងក្រោយចំនួន ២ របស់ លោក Wallace Huo ដែលនៅក្នុងរូបទាំងនោះ បានបង្ហាញឱ្យឃើញយ៉ាងច្បាស់ៗថា តារាសម្តែងប្រុសរូបនេះ បានវិលត្រឡប់មកមានសុខភាពល្អ រូបរាងស្លីមស្អាត ព្រមទាំងមានសាច់ដុំរឹងមាំ ដ៏គួរឲ្យចាប់អារម្មណ៍ និងទទួលបានការសរសើរពីហ្វេនៗជាច្រើនពីភាពស្រស់សង្ហារបស់ លោក ថែមទៀតផង។ 

យ៉ាងណាមិញ កាលពីមុនមកនេះ លោក Wallace Huo ក៏ធ្លាប់បានបង្កការភ្ញាក់ផ្អើលយ៉ាងខ្លាំង ដោយសារតែរូបភាពរបស់លោក បង្ហាញពីការឡើងទម្ងន់ ព្រមទាំងមានរាងក្បាលពោះធំ និងមើលទៅហាក់ធ្លាក់សម្រស់យ៉ាងខ្លាំង ដែលត្រូវបានអ្នកលេងបណ្ដាញសង្គម បង្ហាញពីការខកចិត្តចំពោះរូបលោក ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖