កម្សាន្ត៖ ក្រោយពីផ្អាកការងារសិល្បៈមួយរយៈ ដើម្បីទៅបំពេញតួនាទីហ្វឹកហាត់ជាទាហានរបស់ Park Bo Gum ធ្វើឲ្យហ្វេនៗរបស់លោកមានការនឹករលឹកជាខ្លាំង។ អ្វីដែលកាន់តែធ្វើឲ្យហ្វេននឹកខ្លាំងទៅទៀត នៅពេលបានឃើញរូបប៉ុន្មានសន្លឹករបស់ តារាសម្ដែងប្រុសនេះ នៅក្នុងឯកសណ្ឋានជា ទាហានជើងទឹក និងមាន ម៉ូតសក់ខ្លី យ៉ាងសង្ហា។
ជាមួយគ្នានេះដែរ តាមរយៈរូបប៉ុន្មានសន្លឹកដែលបង្ហោះនៅក្នុងបណ្ដាញសង្គម គេឃើញ តារាប្រុសញញឹមស្រស់ Park Bo Gum ជះរាងសង្ហារខ្លាំងជាមួយនឹង ឯកសណ្ឋានទាហាជើងទឹក ពណ៌ទឹកប៊ិច និងមាន ម៉ូតសក់ខ្លី។ លើសពីនោះ ទោះលោកមិនបានផាត់ម្សៅក៏ដោយ ប៉ុន្ដែលោកនៅតែស្រស់មានមន្ដស្នេហ៍ដ៏ដែល។
ទន្ទឹមនឹងនោះ Park Bo Gum បានផ្អាកពីការងារសិល្បៈ ដើម្បីចូលទៅហ្វឹកហាត់ជា ទាហានជើងទឹកកាលពីខែសីហា ឆ្នាំ២០២០កន្លងទៅ។ មិនតែប៉ុណ្ណោះ លោកនឹងត្រឡប់មកចូលក្នុងវិស័យសិល្បៈវិញ ក្នុងរយៈពេល៦ខែទៀតបន្ទាប់ពីចប់តួនាទី៕
ប្រភព៖ KStarLive