បានទាំងកាដូបានទាំងលុយ វណ្ណដា ឡើងឆាកលើកនេះគ្រប់ហ្មង

កម្សាន្ត៖ កាលពីយប់មិញនេះ តារាចម្រៀងមាឌតូច សម្លេងធំ លោក វណ្ណដា បានចូលរួមខនសឺត សម្ដែងចម្រៀងបាន៣បទ ដោយមានវត្តមានអ្នកគាំទ្រចូលរួមយ៉ាងច្រើនកុះករ។

មិនតែប៉ុណ្ណោះ ហ្វេនៗនៅក្នុងស្រុកខ្មែរហាក់ដូចជានឹកតារាប្រុសរូបនេះជាខ្លាំង នាំគ្នាបង្ហាញក្ដីស្រឡាញ់តាមរយៈសម្លេងស្រែកហ៊ោយ៉ាងខ្លាំងស្ទើរតែរលំឆាក។ លើសពីនោះ ហ្វេនក៏បានទិញកាដូមួយចំនួនជូនទៅកាន់អាយដលខ្លួនផងដែរ។

នៅក្នុងនោះ គេឃើញមាន មួក តុក្កតា និងកាដូដែលទាក់ទាញជាងគេនោះគឺ កម្រងលុយយ៉ាងច្រើន ចង់វែងជាខ្លួន វណ្ណដា ទៅទៀត។ អ្វីដែលធ្វើឲ្យអ្នកគាំទ្ររំភើបទៀតនោះគឺបានឃើញការសម្ដែងផ្ទាល់ៗលើឆាក បន្ទាប់ពីលោកត្រឡប់មកពីខនសឺតនៅក្រៅប្រទេស៕ 

ប្រភពរូបភាព៖ Zaly Zaly