KooTee យំសស្រាក់ក្រោយបានជាសះស្បើយពីជំងឺកូវីដ១៩

ថៃ៖ គឺជាដំណឹងល្អមួយសម្រាប់អ្នកគាំទ្រជាច្រើន បន្ទាប់ពីបានជ្រាបថា តារាសម្ដែង និងជាតារាកំប្លែង លោក KooTee បានជាសះស្បើយពីជំងឺកូវីដ១៩ ក្រោយពីបានសម្រាកព្យាបាលអស់រយៈពេលជាច្រើនថ្ងៃ។

មិនត្រឹមតែប៉ុណ្ណោះ ថ្មីៗនេះ តារាប្រុសរូបនេះ បានធ្វើការ Live វីដេអូ រៀបរាប់ទាំងទឹកភ្នែក បង្ហាញពីការជាសះស្បើយព្រមទាំងបានត្រឡប់មកលំនៅដ្ឋានវិញ ជាពិសេស លោកក៏បានថ្លែងអំណរគុណ រាល់ការលើកទឹកចិត្ត ដែលមិត្តៗ ព្រមទាំងហ្វេនៗជាច្រើន បានផ្តល់មកលើរូបលោក។ 

មុនពេលបញ្ចប់ KooTee ក៏បានផ្ដាំផ្ញើទៅអ្នករាល់គ្នា កុំមានការធ្វេសប្រហែស និងធ្វើការថែរក្សាការពារខ្លួនឲ្យបានល្អ ដើម្បីជៀសផុតពីការឆ្លងរោគរាតត្បាតដ៏កាចសាហាវមួយនេះ៕

ប្រភព៖ Sanook

សូមទស្សនារូបភាពខាងក្រោម៖