នៅក្នុងរឿងផ្អែមល្ហែមមិនអស់ចិត្ត Seol In Ah និយាយបែបនេះ ទៅកាន់ Kim Min kyu ទៀត

កម្សាន្ត៖ ជាការពិតណាស់ នៅក្នុងរឿង Business Proposal តួអង្គរងមួយគូនេះ ដែលសម្ដែងដោយ Kim Min kyu និង Seol In Ah ទទួលបានការគាំទ្រជាខ្លាំង ស្ទើតែលើសតួឯកទៀតផង។ ជាមួយគ្នានេះដែរ តាមរយៈសាច់រឿងរ៉ូមែនទិក សមនឹងសមត្ថភាពសម្ដែងល្អផងនោះ តួរងនេះត្រូវបានហ្វេនៗស្រលាញ់ជាប់ចិត្ត។

ទន្ទឹមនឹងសាច់រឿង តួអង្គទាំងពីរស្រលាញ់គ្នាយ៉ាងផ្អែមល្ហែមហើយ ឯនៅក្រៅសាច់រឿង គេឃើញថា តារាស្រី Seol In Ah ហាក់ដូចជាលង់ស្នេហ៍ ដៃគូសម្ដែង Kim Min Kyu ផងដែរ។ លើសពីនោះ តារាស្រីនេះ បាននិយាយនៅក្នុងកិច្ចសម្ភាសន៍ថា ថ្ពាល់ខួចរបស់ Min Kyu ធ្វើឲ្យនាងរលាយបេះដូង ហើយទោះលោកអង្គុយស្ងៀមមិនបានធ្វើអ្វីក៏ដោយ តែកែវកែវភ្នែកលោកពិតជាគួរឲ្យស្រលាញ់។

អ្វីដែលគួរឲ្យចាប់អារម្មណ៍នោះ Seol In Ah ហ៊ាននិយាយបែបនេះនៅនឹងមុខសាមីខ្លួនគេទាំងមិនអៀនមាត់នោះទេ ប្រៀបដូចជាខ្លួនសារភាពថា លង់ស្នេហ៍ តារាប្រុសម្នាក់នេះអញ្ចឹងដែរ។ តាមរយៈសម្ដីនេះ បានធ្វើឲ្យហ្វេនៗក្នុងបណ្ដាញសង្គមកាន់តែរំភើប និង ចង់ឲ្យតារាទាំងពីរនេះ ស្រលាញ់គ្នានៅក្នុងជីវិតពិតផងដែរ៕

ប្រភព៖ K-Star Section