ខ្ញីកាន់តែចាស់ កាន់តែហិរ បទចម្រៀង Big Bang គ្រងតំណែងកំពូលប្រចាំខែ

កូរ៉េខាងត្បូង៖ បទ «Still Life» របស់ ក្រុមចម្រៀង Big Bang បានឡើងដំណែង នៅលំដាប់កំពូលលេខ១ ប្រចាំខែ មេសា លើតារាង Gaon Chart ទោះបីជាសិល្បករសំខាន់ល្បី ៗ ផ្សេងទៀតបានចេញ បទចម្រៀងរបស់ពួកគេក៏ដោយ​ ក៏មាន​បទ​ចម្រៀង​ណា​អាច​ប្រជែង​ជាមួយ​បទមួយនេះបានឡើយ។

យ៉ាងណាមិញ មិនចម្លែកនោះទេ ដែល Big Bang តែងតែឈរនៅលើកំពូលតារាង ព្រោះថាពួកគេជាក្រុមដែលមានបទចម្រៀងលេខ ១ ច្រើនជាងគេនៅលើតារាងប្រវត្តិសាស្រ្ត គ្មានក្រុមណាអាចធ្វើដូចបានឡើយ ទោះបីជាខកខានចេញចម្រៀងជាច្រើនឆ្នាំ ក៏មហាជន ក៏ដូចជាហ្វេន នៅតែទន្ទឹមរង់ចាំ ដែលអាចនិយាយបានថា ប្រជាប្រិយភាពរបស់ក្រុមមួយនេះ នៅតែពេញនិយមគួរឲ្យកត់សម្គាល់។

គួររំលឹកផងដែរ ថា Gaon Chart គឺជាតារាងជាតិរបស់ប្រទេសកូរ៉េខាងត្បូង ហើយវាអាចប្រៀបប្រដូច ស្មើនឹង Oricon នៅក្នុងប្រទេសជប៉ុន និង Billboard នៅសហរដ្ឋអាមេរិកដូច្នេះដែរ៕

ប្រភព៖ Allkpop

សូមទស្សនារូបភាពខាងក្រោម៖