អាយុក្បែរ៥០ហើយ ដល់ថ្ងៃខួបកំណើតប្រពន្ធ Jimmy Lin បង្ហាញភាពផ្អែមល្ហែមមិនចាញ់ក្មេង

តៃវ៉ាន់៖ នាពេលថ្មីៗនេះ តារាចម្រៀង និងសម្តែង Jimmy Lin បានបង្ហោះរូបភាព ផ្អែមល្ហែមមួយទំហឹងជាមួយនឹងគ្រួសាររបស់ខ្លួន ក្នុងថ្ងៃខួបកំណើតភរិយា មិនចាញ់គូស្នេហ៍ក្មេងៗស្រករក្រោយប៉ុន្មាននោះឡើយ។

ដោយឡែក ក្នុងគណនីបណ្តាញសង្គម របស់តារាប្រុសរូបនេះ បានបង្ហាញពីសកម្មភាពស្និទ្ធស្នាល និងផ្អែមល្ហែមក្នុងគ្រួសារ ក្នុងថ្ងៃនេះ ដែលជាថ្ងៃខួបកំណើតរបស់ភរិយា Kelly Chen ដូច្នេះលោកបានរៀបចំប៉េងប៉ោង ព្រមទាំងនំឃេកសម្រាប់អបអរថ្ងៃពិសេសនេះដែរ ក្រៅ ពីនេះកូនៗទាំង៣នាក់ ក៏បានមកជួយអបអរដល់ថ្ងៃកំណើតរបស់ម្តាយរបស់ពួកគេផងដែរ ដែលនេះមើលទៅ គឺពិតជាមានភាពកក់ក្តៅ ខ្លាំងណាស់។

យ៉ាងណាមិញ អ្នកគាំទ្រ ក៏បានសរសើរតារាទាំងពីរដួងនេះ ដែលមានវ័យច្រើនយ៉ាងណា ក៏នៅ តែបង្ហាញក្តីស្រលាញ់ទៅ វិញទៅ មកដដែល៕

សូមចូលទស្សនារូបភាពខាងក្រោម៖