កុំហក់ជាមួយប្រុសពៅ Jungkook បង្ហោះវីដេអូប្រដាល់ ទាក់ចិត្តតារាស្រីស្អាតៗជាច្រើន

កម្សាន្ត ÷ Jungkook សមាជិកក្រុម BTS ត្រូវបានគេស្គាល់ថាជាសំណព្វចិត្តរបស់តារាល្បីៗ រាប់មិនអស់នៅទូទាំងពិភពលោក មិនថាជាតារាសម្ដែង អ្នកលេងក្បាច់គុន ឬអ្នកចម្រៀងនោះទេ ដោយសិល្បករជាច្រើនបានទម្លាយថា Jungkook គឺជាតារាសំណព្វចិត្តរបស់ពួកគេ។

ហើយកាលពីកន្លងទៅថ្មីៗនេះ វីដេអូប្រដាល់មួយត្រូវបានចែករំលែកដោយ Jungkook កាលពីប៉ុន្មានថ្ងៃមុន ដែលលោកត្រូវបានគេមើលឃើញថា កំពុងលេងសើចជាមួយគ្រូបង្វឹករបស់លោកគឺ Tommy ទទួលបានការចាប់អារម្មណ៍ចំពោះភាពរឹងមាំ មិនគួរឱ្យជឿ ក៏ដូចជាការខិតខំប្រឹងប្រែងរបស់លោកក្នុងការហាត់។

បន្ទាប់មក មានតារាស្បីល្បីៗជាច្រើនរូប ទាំងតារាសម្ដែងដែលទទួលបានពានរង្វាន់អាមេរិក Chloë Grace Moretz និងតារាសម្ដែង និងជាតារាចម្រៀងអាមេរិក Laura Marano រួមទាំងតារារ៉េបកូរ៉េខាងត្បូង Jessi និងតារាស្រីជាច្រើនរូបទៀត បានចុច Like វីដេអូរបស់ Jungkook៕

ប្រភព: Allkpop