មានមួយគ្មានពីរ! វិលចូលសិល្បៈវិញ សួស វីហ្សា កាន់តែលេងស្ទាយ៍ប្លែកៗ

ភ្នំពេញ៖ អាចនិយាយបានថា ចាប់ឆ្នាំតាំងពីពេលដែលសម្រាលបានកូនស្រីរួច អ្នកនាង សួស វីហ្សា បានដកឃ្លាពីការងារមួយរយៈ។ហើយថ្មីៗនេះ គេដឹងទៀតថានាងក៏មានបញ្ហាបំពង់ក ដែលធ្វើឲ្យប្រែប្រួលសម្លេងផងដែរ។ អំឡុងមានបញ្ហាផ្នែកបំពង់ក នាងពិតជាមានការព្រួយបារម្ភយ៉ាងខ្លាំង។ 

យ៉ាងណាមិញ ក្រោយឃ្លាតឆ្ងាយពីការងារសិល្បៈមួយរយៈធំ តារាចម្រៀងអ្នកនាង សួស វីហ្សា បានវិលចូលសិល្បៈវិញ ធ្វើឲ្យហ្វេនរំភើបគ្រប់ៗគ្នា។ ហើយមួយរយៈនេះ នាងពិតជាទទួលបានការងារច្រើនជាបន្តបន្ទាប់ សឹងគ្មានពេលទំនេរឡើយ។ 

តួយ៉ាង គេសង្កេតឃើញថា ការឈានជើងចូលសិល្បៈជាថ្មីម្ដងទៀតរបស់អ្នកនាង សួស វីហ្សា បានធ្វើឲ្យមហាជន និងហ្វេនមានការចាប់អារម្មណ៍លើការរៀបចំខ្លួនរបស់នាងគ្រប់ៗគ្នា។ ម្យ៉ាងវិញទៀត គ្រប់ពេលដែលតារារូបនេះ ឡើងឆាកប្រគុំតន្ត្រីម្ដងៗតុបតែងខ្លួនជាស្ទាយ៍ប្លែក ដែលរចនាម៉ូតសម្លៀកបំពាក់យ៉ាងលេចធ្លោតែម្ដង។ ជាពិសេស នាងតែងទទួលបានការសរសើរពីហ្វេនដែលតែងតែមានអ្វីថ្មីប្លែកជានិច្ចដូច្នេះ៕ 

សូមទស្សនារូបភាពខាងក្រោម៖