មិនធម្មតា! TWICE បំបែកកំណត់ត្រាក្លាយជាក្រុមនារីដំបូងដែលលក់អាល់ប៊ុមបានច្រើនបែបនេះ (មានវីដេអូ)

កូរ៉េខាងត្បូង៖ WICE ដែលជាក្រុមនារីជំនាន់ទី៣របស់ផលិតកម្ម JYP បានធ្វើរឿងដ៏អស្ចារ្យមួយនេះ ដែលក្នុងនាមពួកគេជាក្រុមនារីដែលមានប្រជាប្រិយភាពខ្លាំងតាំងពីលេចមុខតាំងពីឆ្នាំ២០១៥មកម្ល៉េះ។ យោងទៅតាមរបាយការណ៍មួយរបស់ Hanteo ដែលជាភ្នាក់ងារគិតគូរនិងវាយតម្លៃទៅលើការលក់អាល់ប៊ុមរបស់តារា K-POP បានឲ្យដឹងថា គិតមកដល់បច្ចុប្បន្ននេះ TWICE បានលក់អាល់ប៊ុមរបស់គេបានរហូតដល់បីលានបន្ទៈមកហើយ ដែលនេះត្រូវបានគេចាត់ទុកជា TWICE គឺជាក្រុមនារី K-POP ដំបូងគេបង្អស់នៅក្នុងប្រវត្តិសាស្ត្រដែលបំបែកកំណត់ត្រាមួយនេះ។ 

សម្រាប់អ្នកគាំទ្ររបស់ក្រុមនារី TWICE (Once) វិញគឺពិតជាមានភាពសប្បាយរីករាយនិងមានមោទនភាពខ្លាំងណាស់ទៅលើ TWICE ដែលពួកគេតែងតែខិតខំប្រឹងប្រែង និងអភិវឌ្ឍន៍ខ្លួនឯងកន្លងមក ដើម្បីអ្នកគាំទ្ររបស់ខ្លួន។ សូមចូលរួមអបអរសាទរដល់ក្រុមនារី TWICE របស់ផលិតកម្ម JYP ៕

សូមទស្សនារូបភាព និងវីដេអូខាងក្រោម៖