ពីតារាចម្រៀង នីគីនីគី បង្កើតក្រុមWorkaholic មានក្រុមការងារច្រើន យ៉ាងជោគជ័យ

ភ្នំពេញ៖ បើនិយាយដល់តារាចម្រៀងនិយមផលិតបទចម្រៀងជាភាសាអង់គ្លេស ជឿជាក់ថាប្រិយមិត្ត ច្បាស់ជានឹកដល់កញ្ញា នីគីនីគីមុនគេ។ ដោយនាងបានចាប់ផ្ដើមឈានជើងលើវិថីសិល្បៈ តាមរយៈការច្រៀងបទចម្រៀងអង់គ្លេស ហើយបទនីមួយៗរបស់នាងពិតជាទទួលបានសន្ទុះនៃការគាំទ្រខ្លាំងតែម្ដង។ 

លើសពីនេះទៅទៀត គេអាចនិយាយបានថាកញ្ញា នីគីនីគី ជោគជ័យលើវិស័យចម្រៀង ដែលមានមហាជនស្គាល់ និងចូលចិត្តច្រើន។ យ៉ាងណាមិញ ទន្ទឹមនឹងជាតារាចម្រៀងដ៏មានប្រជាប្រិយភាព គេចាប់អារម្មណ៍ឃើញថា មួយរយៈចុងក្រោយនេះ នាងបានចាប់យកអាជីពថ្មីមួយទៀត គឺការផលិតវីដេអូ ដែលជាអ្នកបង្កើតមាតិកាលើបណ្ដាញសង្គមផងដែរ។ 

ម្យ៉ាងវិញទៀត ស្របពេលក្លាយជាអ្នកបង្កើតមាតិកាកំពុងមានឈ្មោះល្បីល្បាញ គេដឹងទៀតថាកញ្ញា នីគីនីគី ក៏បានបង្កើតក្រុមដើម្បីផ្ដល់ឱកាសសម្រាប់អ្នកដែលស្រលាញ់ការបង្កើតដូចជារូបនាងផងដែរ។ ហើយក្រុមរបស់នាងមានឈ្នះ Workaholic ដោយសមាជិកក្រុមម្នាក់ៗពិតជាទទួលបានប្រជាប្រិយភាពមិនធម្មតានោះទេ ខណៈមានទេពកោសល្យ និងពូកែវោហាស័ព្ទផងនោះ។ ពិតណាស់ បើទោះបី តារាចម្រៀងរូបនេះ ទើបបង្កើតក្រុម Workaholic តែាបិតជាទទួលបានភាពជោគជ័យខ្លាំងតែម្ដង៕ 

សូមទស្សនារូបភាពខាងក្រោម៖