ខុសជំនាន់មែន មើល Got និងគូស្នេហ៍រៀបចំខួប៩ឆ្នាំ ឡើងស្វីត

ថៃ៖ មិនខ្វល់រឿងអាយុខុសគ្នានោះទេ សម្រាប់គូស្នេហ៍តារាប្រុសស្រី រវាង លោក Got Jirayu និង គូស្នេហ៍ Bow Benjawan ដែលនៅតែរក្សាភាពល្អូកល្អូកមិនចេះរីងស្ងូត និងមានពេលវេលាចេញមកកម្សាន្តជាមួយគ្នាជានិច្ច។ 

យ៉ាងណាមិញ បើនិយាយពីពេលវេលានៃទំនាក់ទំនងស្នេហារបស់អ្នកទាំងពីរ ក៏មិនមែនទើបតែចាប់ផ្ដើមនោះដែរ ជាក់ស្ដែង ថ្មីៗ​នេះ​ គូស្នេហ៍មួយគូនេះ បានរៀបចំធ្វើខួបអបអរ ក្នុង​ថ្ងៃ​គម្រប់​ខួបគូ​ស្នេហ៍​ ៩​ឆ្នាំ​ ដោយបានដឹកដៃគ្នា ទៅ​ញ៉ាំ​អាហារ​ពេល​ល្ងាច​ ព្រមទាំងបានត្រៀម​ រៀបចំ​ភួង​ផ្កា​ ដើម្បីពញ្ញាក់អារម្មណ៍ ឲ្យមានភាពសប្បាយរីករាយ និងស្នាមញញឹមពោរពេញដោយក្ដីសុខ របស់អ្នកទាំងពីរ។ 

ក្រោយពីបានឃើញបែបនេះហើយ បណ្ដាអ្នកគាំទ្រជាច្រើន ក៏បានចូលរួមអបអរសាទរចំពោះ អ្នកទាំងពីរ ព្រមទាំងអារម្មណ៍រំភើបជំនួស ទៅលើភាពផ្អែមល្ហែមនិងរ៉ូមែនទិកដែលគ្មានការផ្លាស់ប្ដូរ បើទោះបីជាបានទាក់ទងគ្នាជិត ១០ ឆ្នាំ មកនេះ៕ 

ប្រភព៖ Sanook

សូមទស្សនារូបភាពខាងក្រោម៖