អាយុជាង៥០ឆ្នាំហើយ Louis Koo នៅតែហ៊ឺហា បង្ហាញផ្ទះដ៏ធំប្រណីត

ហុងកុង៖ អាចនិយាយបានថា លោក Louis Koo គឺជាតារាសម្ដែងជើងចាស់ដ៏មានប្រជាប្រិយភាពមួយ ក្នុងទស្សវត្សរ៍ ៩០ ដែលអាចទាញយកចិត្តអ្នកគាំទ្រជាច្រើន ជាមួយនឹងរូបរាងសង្ហា ពោរពេញដោយស្នាមញញឹមមានមន្តស្នេហ៍ ផងដែរ។ 

ប៉ុន្តែ​អ្វី​ដែល​ធ្វើ​ឲ្យមហាជន កាន់តែចាប់អារម្មណ៍ នោះគឺ បើទោះបីជា ពេលនេះ ស្ថិតក្នុងវ័យជាង៥០ឆ្នាំទៅហើយ តែតារាសម្ដែងរូបនេះ ហាក់មិនខ្វល់ពីរឿងទំនាក់ទំនងស្នេហា ក៏ដូចជាការសាងគ្រួសារមួយនោះឡើយ តែលោកនៅតែប្រើជីវិតរស់នៅយ៉ាងស៊ីវីល័យហ៊ឺហា ជាមួយនឹងកេរ្តិ៍ឈ្មោះល្បី ដែលអាចរកចំណូលបានច្រើន ទៀតផង។ 

មិនត្រឹមតែប៉ុណ្ណោះ លោក Louis Koo ក៏ត្រូវបានគេដឹងថា ជាម្ចាស់រថយន្តស្ព័រថ្លៃៗជាច្រើន​ ដែលមានតម្លៃរាប់រយលានយន់។ ដោយឡែក ក្នុងឆ្នាំ ២០០២ តារាប្រុសរូបនេះ បានចំណាយប្រាក់ ២០ លានដុល្លារហុងកុង (ប្រហែល២,៥លានដុល្លារ) ដើម្បីទិញវីឡាឯករាជ្យមួយ។ 

លើសពីនេះ ថ្មីៗនេះ លោក Louis Koo ស្រាប់តែបានបន្តចំណាយរហូតដល់ ៥០ លានដុល្លារហុងកុង(ប្រហែលជាង ៦លានដុល្លារ) ដើម្បីទិញអាផាតមិនប្រណីតមួយ បន្ទាប់ពីគ្រូហុងស៊ុយបាននិយាយថា វាអាចបង្កើនទ្រព្យសម្បត្តិរបស់ខ្លួន។ ជាពិសេស ផ្ទះដ៏ប្រណីតមួយនេះ ថែមទាំងមានទេសភាពបែរមុខទៅទិសខាងជើង អាចមើលឃើញសមុទ្រ ដែលមានផ្ទៃដី ៣០០០ម៉ែតការ៉េ រួមទាំងមានបន្ទប់គេង ៤ និងបន្ទប់ដ៏មានផាសុខភាពជាច្រើនទៀត ដែលបន្ទប់ទទួលភ្ញៀវត្រូវបានរចនាឡើងដោយកញ្ចក់ថ្លា ពីឥដ្ឋរហូតដល់ពិដាន ហើយផ្នែកនៅខាងក្រៅ ក៏មានយ៉រចំនួនពីរ រួមទាំងអាងហែលទឹកផងដែរ៕

ប្រភព៖ Kenh14

សូមទស្សនារូបភាពខាងក្រោម៖