មិត្តល្អកម្ររក! ហ្វេនៗសរសើរទឹកចិត្ត Lee Hi មិនបោះបង់មិត្តទោះ B.I កំពុងមានរឿងអាស្រូវខ្លាំង

September 10, 2021

កម្សាន្ត៖ មហាជនបានកោតសរសើរអំពីទឹកចិត្តរបស់តារាចម្រៀងស្រី Lee Hi ដោយមិនបោះបង់មិត្តរបស់ខ្លួន B.I ក្នុងគ្រាមានអាសន្ននោះឡើយ។ តារាស្រី Lee Hi គឺជាអ្នកចម្រៀងនឹងជាអ្នកសរសេរចម្រៀងដ៏ល្បីល្បាញម្នាក់នៅក្នុងផលិតកម្ម YG Entertainment ហើយនាងក៏ជាមិត្តម្នាក់របស់ B.I ផងដែរ។

បន្ទាប់ពី Lee Hi បានបញ្ចេញបទចម្រៀងរបស់ខ្លួនដែលនៅក្នុងនោះមានការចូលរួមពី B.I មហាជនស្ញប់ស្ញែងជាខ្លាំង ដោយតារាស្រីរូបនៅតែរាប់អាន Kim Han Bin ក្នុងពេលគេកំពុងត្រូវជាប់ទោសពាក់ព័ន្ធគ្រឿងញៀនដោយមិនខ្លាចប៉ះពាល់កេរ្តិ៍ឈ្មោះឡើយ តែបែរជាបង្ហាញពីទឹកចិត្តមិត្តភាពទៅវិញ។

មិនត្រឹមតែប៉ុណ្ណោះ នៅក្នុងកិច្ចសម្ភាសន៍មួយនាងថែមទាំងបានអរគុណដល់ Han Bin ដែលបានជួយនាងនៅក្នុងបទចម្រៀងថ្មី Savior ឲ្យបានជោគជ័យទៀតផង។ នាងបាននិយាយថា៖

ខ្ញុំចង់អរគុណឲ្យដល់ B.I ដែលជាភ្ញៀវពិសេសនៅក្នុង album ថ្មី ។ នេះដោយសារតែ B.I បង្ហាញខ្លួនក្នុងបទ Savior ហើយពួកគេក៏ធ្លាប់ស្ថិតក្រោមដំបូលផលិតកម្មតែមួយជាមួយ។ គេហៅខ្ញុំថាជាមិត្តស្មោះត្រង់នៅក្នុងការសម្ភាសន៍ ប៉ុន្ដែខ្ញុំក៏គិតថា គេជាមិត្តដែលមហាស្មោះត្រង់ម្នាក់ដែរ។ Han Bin ! អរគុណហើយដែលធ្វើឲ្យខ្ញុំបង្កើតបានវីដេអូបទចម្រៀងមួយដ៏ល្អចេញមក
— Lee Hi

អ្នកគាំទ្រនិងមហាជនជាច្រើនកាន់តែភ្ញាក់ផ្អើលស្ទើតែមិនជឿថា Lee Hi នៅតែរាប់អានមិត្តដែលជាប់ទោសពីបទពាក់ព័ន្ធនឹងគ្រឿងញៀន មានការបញ្ចេញមតិខុសៗគ្នាទៅលើបណ្ដាញសង្គមបន្ទាប់ពីបានឮសម្ដីដែលចេញពី Lee Hi ផ្ទាល់មាត់បែបនេះ៕

ប្រភព៖ allkpop

ទាក់ទងជាមួយ:

តារាកូរ៉េ មិត្ត រូបភាព

អានបន្ថែម