ជិតដល់ពេលហើយ! Baekhyun ក្រុម EXO នឹងចូលបម្រើកងទ័ពនៅថ្ងៃកំណើត

April 3, 2021

កូរ៉េខាងត្បូង៖ យោងទៅតាមសារព័ត៌មានក្នុងស្រុកបានផ្សព្វផ្សាយ រាយការណ៍មកថា លោក Baekhyun សមាជិកក្រុមចម្រៀងបុរស EXO នឹងត្រៀមខ្លួនរួចជាស្រេច ចូលបំពេញកាតព្វកិច្ចយោធា នៅថ្ងៃខួបកំណើតរបស់លោកតែម្តង។

ដោយឡែកបើតាមអ្នកនាំពាក្យផលិតកម្ម SM Entertainment បានបញ្ជាក់ថា Baekhyun នឹងចូលបម្រើកងទ័ពនៅថ្ងៃទី ៦ ខែឧសភានេះ។ ពេលវេលានិងទីកន្លែងគឺត្រូវរៀបចំឡើងដោយឯកជន ដោយគ្មានព្រឹត្តិការណ៍ណាមួយនឹងត្រូវធ្វើឡើងឡើយ។ មិនត្រឹមតែប៉ុណ្ណោះ តារាវ័យ ២៨ឆ្នាំរូបនេះ ក៏បានបង្ហាញអារម្មណ៍ពិតទៅកាន់អ្នកគាំទ្ររបស់ខ្លួនថា៖

ថ្ងៃនេះអាកាសធាតុល្អណាស់ ដូច្នេះខ្ញុំមានរឿងចង់និយាយ ទោះបីខ្ញុំមិនត្រូវនិយាយរឿងនេះក៏ដោយ ក៏ខ្ញុំត្រូវតែប្រាប់អ្នកមុនគេដែរ។ ខ្ញុំសុំជូនដំណឹងថា ខ្ញុំនឹងចូលបម្រើកងទ័ពនៅថ្ងៃទី ៦ ខែឧសភាហើយ។ វាមិនដូចជាយើងបែកគ្នាជារៀងរហូតនោះទេ ប៉ុន្តែខ្ញុំចង់ឲ្យអ្នកចំណាយពេលជាមួយខ្ញុំឲ្យបានច្រើន តាមវិធីផ្សេងៗគ្នា ធ្វើឲ្យពួកយើងអាចមានអារម្មណ៍ថាយើងនៅតែនៅជាមួយគ្នា ជាជាងការរង់ចាំបាត់ខ្លួនមិនអាចទំនាក់ទំនងបាន។ ខ្ញុំនឹងព្យាយាម និងរៀបចំរឿងរ៉ាវជាច្រើន! ខ្ញុំដឹងថាការរង់ចាំ វានឹងពិបាកខ្លាំងណាស់ ដូច្នេះខ្ញុំចង់និយាយថាខ្ញុំស្រលាញ់អ្នកជាជាងសុំឲ្យអ្នករង់ចាំខ្ញុំ! ខ្ញុំស្រឡាញ់អ្នកហើយរាល់គ្នា!
— Baekhyun

សូមទស្សនារូបភាពខាងក្រោម៖

ទាក់ទងជាមួយ:

តារាកូរ៉េ

អានបន្ថែម