មិនលាក់បាំងឡើយ តារាស្រីទាំងនេះ បើកចំហររឿងមានគូស្នេហ៍ភេទដូចគ្នា

កម្សាន្ត៖ បើនិយាយដល់ទំនាក់ទំនងស្នេហា ភាគច្រើនគេសម្ដៅលើស្នេហារវាងបុរសនិងនារី ប៉ុន្តែស្នេហាមិនអាចកំណត់ភេទឡើយ។ ដោយគេឃើញមានបុរសស្រលាញ់បុរស ចំណែកមនុស្សស្រីស្រលាញ់មនុស្សស្រីដូចគ្នាជាដើម។ លើសពីនេះទៅទៀតគូស្នេហ៍ភេទដូចគ្នា ក៏មានសុភមង្គលមិនចាញ់គូស្នេហ៍ភេទផ្ទុយគ្នាប៉ុន្មាននោះទេ។ 

យ៉ាងណាមិញ បើក្រឡេកមើលអ្នកក្នុងរង្វង់សិល្បៈខ្មែរ ក៏មានតារាមួយចំនួនស្រលាញ់ភេទដូចគ្នា ហើយបានបើកចំហរប្រាប់ឲ្យមហាជនបានដឹងបានឃើញផងដែរ។ មួយវិញទៀត ថ្មីៗនេះ គេដឹងថាមានសិល្បៈការិនី៣រូប ដែលហ៊ានទម្លាយពីចំណងស្នេហារបស់ខ្លួនៈាសាធារណៈ ហើយសិល្បការិនីខ្មែរ ដែលកំពុងមានទំនាក់ទំនងស្នេហានិងនារីដូចគ្នានោះមានដូចជា៖ 

១៖ កញ្ញា ម៉ៃយ៉ា

អស់រយៈពេលជាច្រើនឆ្នាំមកហើយ ដែលពិធីការិនី និងតារាសម្ដែងកូនកាត់ខ្មែរ-បារាំង មានទំនាក់ទំនងស្នេហានិងស្រ្តីដូចគ្នា។បន្ទាប់ពីស្រលាញ់គ្នាមួយរយៈធំ គេឃើញគូស្នេហ៍មួយគូនេះ កាន់តែផ្អែមល្ហែមជាងមុនតែម្ដង។ 

២៖ កញ្ញា អេនី ហ្សាម 

តារាចម្រៀងស្រី កញ្ញា អេនី ហ្សាម គេដឹងថាបច្ចុប្បន្ននាងកំពុងទាក់ទងនឹងនារីម្នាក់មានសម្រស់ស្រស់ស្អាត ហើយនាងនិងគូស្នេហ៍រឹតតែយល់ចិត្តគ្នាដូចគ្រាផ្ដើមស្នេហ៍យ៉ាងដូច្នោះដែរ។ 

៣៖ អ្នកនាង ឆៃ លីដាឡែន

ក្រោយលែងលះស្វាមីអស់ជាច្រើនឆ្នាំ ថ្មីៗនេះ អ្នកនាង ឆៃ លីដាឡែន ប្រកាសកំពុងទាក់ទងនឹងនារីម្នាក់ ហើយបង្ហាញប្រាប់មហាជន និងហ្វេនៗបានដឹង ដោយមិនលាក់បាំងឡើយ៕