មានមុខគ្រប់ឆាក G-Devith បានតុក្កតាដាណូស័រគ្រប់កម្មវិធី

កម្សាន្ត៖ ប្រិយមិត្តភាគច្រើនច្បាស់ជាដឹងហើយថា តារាចម្រៀងរ៉េបដែលកំពុងពេញនិយម លោក ជី ដេវីត បានចេញបទចម្រៀងថ្មី បែប Diss Track បទ ចុម អាអូនអត់ដេក ទទួលបានការគាំទ្រយ៉ាងខ្លាំងពីសំណាក់យុវវ័យ។

ជាពិសេស មួយរយៈក្រោយនេះ លោក G-Devith ហាក់កំពុងតែមម៉ាញឹកខ្លាំងក្នុងការចូលរួមកម្មវិធីខនសឺតជាបន្តបន្ទាប់។ លើសពីនោះ ឲ្យតែលោកឡើងច្រៀងលើកណា ក៏ហ្វេនអ្នកគាំទ្រឲ្យកាដូជាតុក្កតាដាណូស័រដែរ។ 

ថ្មីៗនេះ ក្នុងការប្រគុំតន្រ្តីដែលមានវត្តមានតារាចម្រៀងកូរ៉េ កញ្ញា Jessi ក៏មានវត្តមាន GD ដែរ រីឯសម្លេងហ៊ោពីទស្សនិកជនក៏មិនចាញ់គ្នាជាមួយតារាកញរ៉េនោះទេ។ ទន្ទឹមនឹងនោះ រូបលោកក៏ទទួលបានតុក្កតារូបដាយណូស័រពីអ្នកគាំទ្រទៀតហើយ សរុបមកទីណាមាន ជី ដេវីត ទីនោះមានតុក្កតាដាយណូស័រ៕