<p><b>រាជធានីភ្នំពេញ ៖</b> ពិតណាស់ តារាចម្រៀងប្រុស<b>&nbsp;ខេមរៈ សិរីមន្ត</b>&nbsp;ជាតារាប្រុសម្នាក់ ក្នុងចំណោមតារាខ្មែរល្បីឈ្មោះផ្សេងទៀត ដែលរក្សាបានកេរ្ត៍ឈ្មោះខ្លួន នៅតែល្បី ខណៈប្រឡូកក្នុងវិថីសិល្បៈអស់ពេលច្រើនឆ្នាំ ខណៈពេលនេះ រូបលោក ក៏ហក់លោត ក្លាយជាអ្នកជំនួយក្នុងវិស័យអចលទ្រព្យលក់ដីឡូតិ៍ម្នាក់ផងដែរ។</p><p>យ៉ាងណាមិញ កាលពីពេលថ្មីៗនេះ តារាចម្រៀងប្រុសរូបនេះ បានបង្ហើបពី ប្រវត្តិប្រឡូកក្នុងវិស័យចម្រៀងដំបូងរបស់ខ្លួន មិនមែនជារឿងចៃដន្យឡើយ ដែលអាចធ្វើឲ្យខ្លួនជោគជ័យខ្លាំងដូចសព្វថ្ងៃ អ្វីដែលខ្លួនមាននោះគឺ ការខិតខំប្រឹងប្រែង និងការមិនព្រមចុះចាញ់។</p><p>ទន្ទឹមនឹងនោះ រូបលោកបានបង្ហើបពីបទចម្រៀង២បទ ដែលអាចធ្វើឲ្យ មហាជនក៏ដូចជាអ្នកដឹកនាំ ព្រមទទួលយកសមត្ថភាពរូបលោកនោះគឺ បទដំបូង <b>«អណ្តូងស្នេហ៍»</b> រីឯបទទី២គឺ <b>«បេះដូងអ្នកប្រដាល់»</b> ខណៈដែលបទទាំងពីរនេះ ដំបូងខ្លួនមិនមែនជាម្ចាស់ឡើយ ប៉ុន្តែដោយសារតែ ម្ចាស់បទជួបបញ្ហាសុខភាពបំពង់ក ហើយបទត្រូវចេញប្រញាប់នោះ ទើបគេឲ្យរូបលោក សាកល្បងព្រោះ រូបលោកតែងតែទៅអង្គុយក្នុងស្ទូឌីយោថតចម្រៀង រាល់ពេលបញ្ចប់ការងារសាកល្បងច្រៀងក្នុងក្លឹបនោះ​។</p><p>អ្វីដែលធ្វើឲ្យ អ្នកដឹកនាំភ្ញាក់ផ្អើលនោះគឺ តារាចម្រៀងផ្សេងត្រូវការពេលយ៉ាងតិចណាស់ ក៏មួយខែដែរ ដើម្បីហាត់សមច្រៀងបទទាំងនេះ ផ្ទុយទៅវិញសម្រាប់រូបលោក ត្រូវការពេលតែ១ម៉ោងប៉ុណ្ណោះ ដែលតារាចម្រៀងរូបនេះបញ្ជាក់ថា ខ្លួនអាចធ្វើបានដូច្នេះ ដោយសារតែទំហំចិត្តនៃការស្រឡាញ់សិល្បៈ៕</p><p><b>បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖</b></p><figure style="text-align:center"><img src="https://cms.dmpcdn.com/article/2021/12/28/d92bdf60-6792-11ec-8066-ffb72c13e721_original.png" alt="&amp;nbsp; តារាចម្រៀងប្រុស&amp;nbsp;ខេមរៈ សិរីមន្ត" style="width:100%"/><figcaption>&nbsp; តារាចម្រៀងប្រុស&nbsp;ខេមរៈ សិរីមន្ត</figcaption></figure><figure style="text-align:center"><img src="https://cms.dmpcdn.com/article/2021/12/28/d9c56040-6792-11ec-9305-8f758382bfdf_original.png" alt="&amp;nbsp; តារាចម្រៀងប្រុស&amp;nbsp;ខេមរៈ សិរីមន្ត" style="width:100%"/><figcaption>&nbsp; តារាចម្រៀងប្រុស&nbsp;ខេមរៈ សិរីមន្ត</figcaption></figure><figure style="text-align:center"><img src="https://cms.dmpcdn.com/article/2021/12/28/da554430-6792-11ec-a0d0-0ff389f985fd_original.png" alt="&amp;nbsp; តារាចម្រៀងប្រុស&amp;nbsp;ខេមរៈ សិរីមន្ត" style="width:100%"/><figcaption>&nbsp; តារាចម្រៀងប្រុស&nbsp;ខេមរៈ សិរីមន្ត</figcaption></figure><div style="text-align:center"><div style="width:100%;position:relative;padding-bottom:56.27198124267292%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/PdFD0RqL8NI"></iframe></div><i>វីដេអូ</i></div>

ហ្វេនយូរហើយ មិនធ្លាប់ដឹង ថាបទចម្រៀង២បទនេះ ធ្វើឲ្យ ខេមរៈ សិរីមន្ត អាចល្បីដូចសព្វថ្ងៃ (មានវីដេអូ)