ជីវិតហាយសូរ Tiffany Tang ដែលគ្រប់គ្នាប្រាថ្នា ប្រើសុទ្ធតែរបស់ប្រ៊េនៗ ថ្លៃៗ

ចិន៖ តារាសម្ដែងស្រី Tiffany Tang បានធ្វើឲ្យហ្វេនៗជាច្រើនកំពុងតែចាប់អារម្មណ៍យ៉ាងខ្លាំង នៅពេលដែលមានការលើកឡើងពីជីវិតរស់នៅយ៉ាងប្រណីត ប្រើប្រាស់របស់របរថ្លៃៗដែលសុទ្ធតែជាម៉ាកយីហោល្បីៗ ខណៈដែលនាងអាចរកចំណូលបានយ៉ាងច្រើន ផងដែរ។ 

នៅក្នុងនោះដែរ គេបានដឹងថា តារាស្រី Tiffany Tang បាន​ទិញ​ស្រោម​ទូរស័ព្ទ​ចំនួន ៥ ដែល​មាន​ពណ៌​ខុសៗ​គ្នា។ ជាពិសេស មានស្រោមទូរស័ព្ទមួយ ដែលគេដឹងថា វាបានមកពីម៉ាកយីហោលំដាប់ខ្ពស់ និងមានតម្លៃដល់ខ្ទង់ជាង ៤០០០០ យន់ (ប្រហែលជាង ៥ពាន់ដុល្លារ )។ មិនត្រឹមតែប៉ុណ្ណោះ តារាស្រីរូបនេះ ក៏បានបង្ហាញឲ្យឃើញពីការប្រើប្រាស់កាបូបម៉ាកល្បីៗជាច្រើន នៅតាមផ្លូវ ដែលកាបូបប្រណីតៗគ្រប់ប្រភេទទាំងនោះ សុទ្ធតែមាន តម្លៃខ្ពស់កប់ពពកទៀតផង។

ចំណែកឯរឿងមួយទៀតនោះគឺ ក្រឡេកមកមើលពីរឿងមង្គលការរបស់ Tiffany Tang គឺកាន់តែត្រូវបានហ្វេនៗយកចិត្តទុកដាក់ជាមួយនឹងភាពស៊ីវីល័យ ខណៈដែលមានអ្នកសរសេរប្លុកអចលនទ្រព្យម្នាក់ បានលាតត្រដាងថា ផ្ទះអាពាហ៍ពិពាហ៍របស់ នាងនិងស្វាមី គឺស្ថិតនៅតំបន់អ្នកមានលុយកំពូល ក្នុងទីក្រុងសៀងហៃ ដែលផ្ទះតម្លៃថោកបំផុតនៅទីនោះគឺមានតម្លៃ ៥០ លានយន់ (ប្រហែល៧លានដុល្លារ) ទៅហើយ៕

ប្រភព៖ Ngoisao.vn

សូមទស្សនារូបភាពខាងក្រោម៖